រាជធានីភ្នំពេញ ៖ ក្រសួងសុខាភិបាល មិនអនុញ្ញាតឲ្យគ្រូពេទ្យឯកជនទាំងអស់ទទួលសេវាពិនិត្យព្យាបាលជំងឺ និងធ្វើតេស្តរកមេរោគកូវីដ១៩ នោះទេ ក្នុងករណីដែលមានអ្នកជំងឺចង់ធ្វើការពិនិត្យ និងព្យាបាល។ នេះបើយោងតាមសេចក្តីជូនដំណឹងរបស់ក្រសួងសុខាភិបាលបានឲ្យដឹងនៅថ្ងៃទី៣០ ខែមីនា…
រាជធានីភ្នំពេញ ៖ ក្រសួងសុខាភិបាល មិនអនុញ្ញាតឲ្យគ្រូពេទ្យឯកជនទាំងអស់ទទួលសេវាពិនិត្យព្យាបាលជំងឺ និងធ្វើតេស្តរកមេរោគកូវីដ១៩ នោះទេ ក្នុងករណីដែលមានអ្នកជំងឺចង់ធ្វើការពិនិត្យ និងព្យាបាល។ នេះបើយោងតាមសេចក្តីជូនដំណឹងរបស់ក្រសួងសុខាភិបាលបានឲ្យដឹងនៅថ្ងៃទី៣០ ខែមីនា ឆ្នាំ២០២០ នេះ ។
បើតាមសេចក្តីជូនដំណឹងរបស់ក្រសួងសុខាភិបាលបានឲ្យដឹងថា ដើម្បីបង្ការការឆ្លង និងការទប់ស្កាត់ការរីករាលដាលនៃជំងឺកូវីដ១៩ ម្ចាស់សេវាពិនិត្យព្យាបាលជំងឺឯកជនទាំងអស់ត្រូវអនុវត្តទៅតាមគោលការណ៍ណែនាំ ដោយមិនអនុញ្ញាតឲ្យធ្វើការព្យាបាលជំងឺកូវីដ១៩ និងធ្វើតេស្តរកមេរោគនៃជំងឺកូវីដ១៩ នៅតាមសេវាពិនិត្យព្យាបាលឯកជនរបស់ខ្លួនជាដាច់ខាត លុះត្រាតែមានការអនុញ្ញាតពីក្រសួងសុខាភិបាល ។
ប្រសិនបើមានអ្នកជំងឺទៅពិនិត្យជំងឺនៅកន្លែងព្យាបាលរបស់លោក លោកស្រី ហើយអ្នកជំងឺនោះមានរោគសញ្ញាណាមួយក្នុងចំណោមរោគសញ្ញាដូចជា មានគ្រុនក្តៅយ៉ាងតិច៣៨អង្សាសេ, ក្អក, ហៀរសំបោរ, ឈឺបំពង់.ក, ហត់ ឬពិបាកដកដង្ហើម និងមានប្រវត្តិធ្វើដំណើរមក ឬស្នាក់នៅក្នុងប្រទេសផ្សេងទៀត ក្រៅពីប្រទេសកម្ពុជា ឬបានប៉ះពាល់ជាមួយអ្នកជំងឺកូវីដ១៩ ។
បញ្ជាក់ពីមន្ទីរពិសោធន៍ក្នុងអំឡុងពេល១៤ថ្ងៃមុនចេញរកសញ្ញា សូមលោក លោកស្រី ធ្វើការរាយការណ៍ជាបន្ទាន់ទៅកាន់ទូរស័ព្ទទាន់ហេតុការណ៍លេខ១១៥ ឬប្រធានមន្ទីរសុខាភិបាលរាជធានី-ខេត្ត រួមទាំងធ្វើការណែនាំដល់អ្នកជំងឺឱ្យចេះអំពីរបៀបការពារខ្លួន ពីការចម្លងរោគកូវីដ១៩ និងការចម្លងទៅអ្នកដទៃ ឬក្រុមគ្រួសារ។
បន្ថែមពីលើនេះលោក លោកស្រីម្ចាស់សេវាពិនិត្យព្យាបាលជំងឺឯកជនទាំងអស់ ត្រូវបន្តការផ្សព្វផ្សាយ និងណែនាំទៅដល់គ្រូពេទ្យ ដែលបំរើការងារនៅក្នុងកន្លែងព្យាបាលជំងឺរបស់ខ្លួន ឲ្យអនុវត្តទៅតាមគោលការណ៍ណែនាំរបស់ក្រសួងសុខាភិបាលខាងលើនេះ ឲ្យបានល្អ និងមានប្រសិទ្ធភាពខ្ពស់ ។
ក្នុងករណីដែលក្រសួងសុខាភិបាល ស្រាវជ្រាវរកឃើញថា មានកន្លែងព្យាបាលជំងឺឯកជនណាមួយ មិនអនុវត្តតាមការណែនាំខាងលើនេះ ក្រសួងសុខាភិបាលនឹងមានវិធានការយ៉ាងម៉ឺងម៉ាត់បំផុត តាមផ្លូវច្បាប់ជាធរមាន។ (កែសម្រួលដោយ ៖ បុប្ផា)
ចែករំលែកព័តមាននេះ