ប្រទេសជប៉ុន ៖ យោងតាមអ្នកតំណាងរបស់អតីតកំប្លែងជប៉ុន Ken Shimura បានឱ្យដឹងថាអតីតតារាកំប្លែងរូបនេះ បានទទួលមរណភាព បន្ទាប់ពីឆ្លងវីរុសកូវីដ១៩។
ទីភ្នាក់ងាររបស់គាត់ការិយាល័យ Izawa បានប្រាប់ CNN ថា Shimura មានរោគសញ្ញា ដូចជាជំងឺរលាកសួត ហើយបានទទួលមរណភាពកាលពីយប់ថ្ងៃអាទិត្យ។ គាត់បានរាយការណ៍ពីរោគសញ្ញា រួមទាំងការអស់កម្លាំង នៅថ្ងៃទី១៧ ខែមីនា និងត្រូវបានបញ្ជូនទៅមន្ទីរពេទ្យនៅថ្ងៃទី២០ ខែមីនា ដោយមានជំងឺរលាកសួតធ្ងន់ធ្ងរមុនពេលធ្វើតេស្តកូវីដ១៩ នៅថ្ងៃទី២៣ ខែមីនា។
លោក Shimura ទំនងជាត្រូវបានគេកាន់ទុក្ខយ៉ាងខ្លាំងនៅក្នុងប្រទេសជប៉ុន។ គាត់ត្រូវបានគេពិពណ៌នាថាជា «រ៉ូប៊ីនវីលៀម របស់ជប៉ុន» ជាមួយនឹងបណ្តាញទូរទស្សន៍របស់ប្រទេស ដែលផ្សាយពីការបាត់បង់ជីវិតរបស់គាត់។
គួររំលឹកថា Shimura បានចាប់ផ្តើមអាជីពតារាកំប្លែងរបស់គាត់ក្នុងឆ្នាំ១៩៧៤ បន្ទាប់ពីចូលរួមជាមួយក្រុមកំប្លែង Drifters។ គាត់ត្រូវបានគេស្គាល់នៅទូទាំងប្រទេសជប៉ុន ដោយសារ Charlie Chaplin របស់គាត់ ដែលមានចំណងជើងថា “Mustache Dance”។
គួរបញ្ជាក់ផងដែរថា ក្រសួងសុខាភិបាលរបស់ប្រទេសជប៉ុន បានកត់ត្រាករណីថ្មីនៃជំងឺឆ្លងកូវីដ១៩ ចំនួន១៧៣ករណី កាលពីថ្ងៃអាទិត្យ ដោយមាន៦៨ករណី នៅទីក្រុងតូក្យូ៕ ដកស្រង់ចេញពីវេបសាយ ៖ edition (កែសម្រួលដោយ ៖ បុប្ផា)
ចែករំលែកព័តមាននេះ