ចំណែកអ្នកឆ្លងមេរោគកូវីដ១៩ បានកើនឡើងជិតដល់៨០ម៉ឺននាក់ហើយ នៅថ្ងៃអង្គារ៍នេះ ខណៈអ្នកស្លាប់កំពុងខិតរក៤ម៉ឺននាក់ ។ យោងតាមរបាយការណ៍បានបង្ហាញថា អ្នកជំងឺមានចំនួន៧៨៤៣១៤នាក់ ខណៈដែលអ្នកស្លាប់មានចំនួន៣៧៦៣៨នាក់ ។
ប្រទេសអាមេរិកបច្ចុប្នមានអ្នកឆ្លងមេរោគកូវីដ១៩ ច្រើនជាងគេបំផុតនៅក្នុងពិភពលោក ដោយមានចំនួនជាង១៦ម៉ឺននាក់ហើយ បន្ទាប់មកទៀត គឺប្រទេសអ៊ីតាលីមានចំនួនជាង១០ម៉ឺននាក់ និងប្រទេសអេស្ប៉ាញ ចំនួនជិត៩ម៉ឺនាក់ ។
ចំនួនអ្នកជំងឺកូវីដ១៩ នៅប្រទេសចិនបានធ្លាក់មកត្រឹមលេខរៀងទីបួន ដោយមានចំនួនជាង៨ម៉ឺននាក់ ។ ចំនួនអ្នកស្លាប់ទូទាំងពិភពលោកបានឡើងដល់ជាង៣៧០០០នាក់ ។ អ៊ីតាលីស្លាប់ជាង១១៥០០នាក់ បន្ទាប់មកអេស្ប៉ាញចំនួនជិត៨០០០នាក់ ។ ចំណែកចិនមានអ្នកស្លាប់ជាង៣៣០០នាក់ ខណៈអាមេរិកមានអ្នកស្លាប់ជាង៣១០០នាក់ ៕
ចែករំលែកព័តមាននេះ