កីឡាកររបស់ក្រុម Barcelona នឹងធ្វើការកាត់បន្ថយប្រាក់ខែ ៧០% របស់ខ្លួន អំឡុងពេលមានការរាតត្បាតរាលដាលនៃវីរុស Covid-19 និងធ្វើការចូលរួមបន្ថែមដើម្បីធានាថាបុគ្គលិករបស់ក្លិបទទួលបានប្រាក់ខែពេញលេញ។
ប្រធានក្រុម Lionel Messi បាននិយាយថា មូលហេតុនៃការផ្លាស់ប្តូរនេះត្រូវបានពន្យារពេល ដោយសារតែកីឡាករកំពុងស្វែងរកដំណោះស្រាយដើម្បីជួយក្លិប ។
នៅក្នុងសេចក្តីថ្លែងការណ៍មួយខ្សែប្រយុទ្ធឆ្នើម និងជាប្រធានក្រុមរបស់ Barcelona កីឡាករ Lionel Messi បាននិយាយថា «មុននឹងបន្តទៅមុខទៀត យើងចង់បញ្ជាក់ឱ្យច្បាស់ថាយើងតែងតែមានឆន្ទៈ ក្នុងការកាត់បន្ថយប្រាក់ខែ ពីព្រោះយើងយល់ច្បាស់ថា យើងស្ថិតនៅក្នុងស្ថានភាពពិសេសមួយក្នុងនាមជាកីឡាករ នៅទីនេះ ដើម្បីជួយក្លិបនៅពេលពួកគេស្នើសុំ» ។
«វាមិនមែនជារឿងភ្ញាក់ផ្អើលឡើយសម្រាប់ពួកយើង ដែលត្រូវទទួលរងសម្ពាធ ដើម្បីធ្វើអ្វីមួយដែលយើងតែងតែដឹងថា យើងនឹងធ្វើ ។ ប្រសិនបើយើងមិននិយាយរហូតមកដល់ពេលនេះ តើនរណាដែលរងផលប៉ះពាល់ខ្លាំងជាងគេនៅក្នុងស្ថានភាពនេះ» បុរសជនជាតិអាហ្សង់ទីនវ័យ ៣២ឆ្នាំរូបនេះបន្ថែម ។
សូមបញ្ជាក់ថា កាលពីពេលកន្លងទៅថ្មីៗនេះ មានសារព័ត៌មានជាច្រើនជុំវិញពិភពលោកបានធ្វើការចុះផ្សាយថា កីឡាករខ្លះក្នុងក្លិប Barcelona មិនយល់ព្រមទៅនឹងការស្នើសុំរបស់ក្លិប ក្នុងការកាត់បន្ថយប្រាក់ខែរបស់ពួកគេ អំឡុងពេលការផ្ទុះវីរុស Covid-19 ៕ (ដកស្រង់ចេញពី BBC)
ចែករំលែកព័តមាននេះ