ប្រទេសថៃ ៖ ឪពុកម្តាយសិស្សថៃម្នាក់ ដែលឱ្យកូនទៅរៀននៅសហអាមេរិកនោះ កំពុងតែប្រញាប់ប្រញាល់នាំកូនត្រឡប់មកស្រុកកំណើតវិញ បន្ទាប់ពីប្រទេសនេះបានវ៉ាដាច់ប្រទេសចិន និងអ៊ីតាលី ក្លាយទៅជាប្រទេសមានអ្នកឆ្លងកូវីដ១៩ ច្រើនជាងគេ ដែលមានចំនួនរហូតដល់ ១៤២,០០០នាក់។
Pudit Assanamanee ឪពុករបស់និស្សិតអាយុ១៦ឆ្នាំ ដែលបានចូលរួមការផ្លាស់ប្តូរវប្បធម៌អន្តរវប្បធម៌អន្តរជាតិរយៈពេល ១០ខែនៅក្នុងទីក្រុង Blythewood សហរដ្ឋអាមេរិក បាននិយាយថា៖ «ខ្ញុំសូមអង្វរ ឱ្យកូនប្រុសខ្ញុំហោះហើរត្រឡប់មកវិញនៅថ្ងៃស្អែកនេះ ហើយជើងហោះហើរមិនត្រូវបានផ្អាកភ្លាមៗទេ»។
លោក Pudit បានប្រាប់កាសែតបាងកកប៉ុស្តិ៍ថា អត្រានៃការឆ្លងនៅក្នុងទីក្រុងដែលកូនប្រុសរបស់គាត់ស្នាក់នៅ គឺទាប បើប្រៀបធៀបទៅនឹងទីក្រុងដទៃទៀត ប៉ុន្តែគាត់បារម្ភថា គាត់នឹងមិនអាចនាំកូនប្រុសរបស់គាត់ត្រឡប់មកផ្ទះវិញទេ ប្រសិនបើសហរដ្ឋអាមេរិកបិទប្រទេស។
លោក Pudit បាននិយាយថា ឱសថស្ថានក្នុងស្រុកកំពុងខ្វះខាតទឹកលាងសម្អាតដៃ និងម៉ាសការពារ ដែលធ្វើឱ្យគេមានការរើសអើងលើជនជាតិអាស៊ី ដោយសារតែយើងប្រើប្រាស់គ្រឿងទាំងនោះច្រើនពេក។
យោងតាមរបាយការណ៍ប្រព័ន្ធផ្សព្វផ្សាយមុននេះ ឪពុកម្តាយរបស់និស្សិត ២០០នាក់ ដែលស្ថិតនៅក្រោមកម្មវិធីផ្លាស់ប្តូរបទពិសោធន៍អាមេរិច គ្រោងនឹងស្នើសុំឱ្យលោកនាយករដ្ឋមន្ត្រីប្រាយុធចានអូចា ផ្ញើយន្តហោះដើម្បីនាំកូនចៅរបស់ពួកគេមកប្រទេសថៃវិញ៕ ដកស្រង់ចេញពីវេបសាយ ៖ bangkokpost (កែសម្រួលដោយ ៖ បុប្ផា)
ចែករំលែកព័តមាននេះ