ប្រធានាធិបតីត្រាំបាននិយាយថា រដ្ឋបាលរបស់គាត់នឹងធ្វើយ៉ាងណាទប់ស្កាត់ការស្លាប់របស់ពលរដ្ឋអាមេរិកដោយសារមេរោគកូវីដ១៩ ស្ថិតនៅក្រោម១០០០០០ នាក់ ។ លោកថា បើសិនជាចំនួនអ្នកស្លាប់ ស្ថិតក្រោម ១០០ ០០០…
ប្រធានាធិបតីត្រាំបាននិយាយថា រដ្ឋបាលរបស់គាត់នឹងធ្វើយ៉ាងណាទប់ស្កាត់ការស្លាប់របស់ពលរដ្ឋអាមេរិកដោយសារមេរោគកូវីដ១៩ ស្ថិតនៅក្រោម១០០០០០ នាក់ ។ លោកថា បើសិនជាចំនួនអ្នកស្លាប់ ស្ថិតក្រោម ១០០ ០០០ នាក់ នោះ គឺយើងធ្វើការបានល្អហើយ ។
លោកនិយាយបែបនេះ បន្ទាប់ពីទីប្រឹក្សាសុខភាពព្រមានថា ចំនួនអ្នកស្លាប់នៅអាមេរិកដោយសារកូវីដ ១៩ អាចនឹងមានដល់២០០ ០០០នាក់ ហើយអ្នកឆ្លងមេរោគកូវីដ១៩ មានច្រើនលាននាក់ បើសិនជាចាត់ការមិនបានល្អ ។
លោកត្រាំនិយាយបែបនេះ ខណៈដែលអាមេរិក គឺជាប្រទេសដែលមានការឆ្លងមេរោគកូវីដ១៩ច្រើនជាងគេបំផុតនៅក្នុងពិភពលោក ។ ឥឡូវមនុស្សជាង១៤ម៉ឺននាក់បានឆ្លងមេរោគកូវីដ១៩ នៅអាមេរិក ហើយមានអ្នកស្លាប់ជាង២៤០០នាក់ ៕
ចែករំលែកព័តមាននេះ