កីឡាករបាល់ទាត់អាជីពជប៉ុនដំបូងគេម្នាក់ឆ្លង Covid-19
ក្លិបបាល់ទាត់ជប៉ុន Vissel Kobe បានប្រកាសនៅថ្ងៃទី៣០ ខែមីនានេះថា ខ្សែការពារ Gotoku Sakai បានធ្វើតេស្តរកឃើញថាមានវិជ្ជមានសម្រាប់វីរុសប្រភេទថ្មី Covid-19។…
ក្លិបបាល់ទាត់ជប៉ុន Vissel Kobe បានប្រកាសនៅថ្ងៃទី៣០ ខែមីនានេះថា ខ្សែការពារ Gotoku Sakai បានធ្វើតេស្តរកឃើញថាមានវិជ្ជមានសម្រាប់វីរុសប្រភេទថ្មី Covid-19។
អតីតខ្សែការពារក្រុមជម្រើសជាតិជប៉ុនរូបនេះ បានធ្លាក់ខ្លួនឈឺដោយឡើងកម្តៅរហូត ៣៨អង្សាសេ ចាប់តាំងពីពាក់កណ្តាលអធ្រាត្រថ្ងៃទី២៥ ហើយខកខានការហ្វឹកហាត់នៅថ្ងៃនៅថ្ងៃបន្ទាប់។ សីតុណ្ហភាពរបស់គេបានធ្លាក់ចុះមកនៅ ៣៧,៦ អង្សាសេ ប៉ុន្តែគេត្អូញត្អែរពីការឈឺក្បាល និងមិនស្រួលខ្លួន ហើយក៏ត្រូវបានគេធ្វើរោគវិនិច្ឆ័យឃើញថា មានសញ្ញាវិជ្ជមាននៃវីរុសនេះនៅឯមន្ទីរពេទ្យមួយក្នុងខេត្ត Hyogo។
សូមបញ្ជាក់ Gotoku Sakai បានក្លាយជាកីឡាករបាល់ទាត់អាជីពបំផុតគេក្នុងប្រទេសជប៉ុន ដែលឆ្លងវីរុស Covid-19 នេះ ។
ក្លិប Vissel Kobe បានបញ្ជាក់បន្ថែមថា «នាពេលបច្ចុប្បន្ននេះមិនទាន់មានកីឡាករ ឬបុគ្គលិកណាម្នាក់ក្រៅពី Sakai បានបង្ហាញរោគសញ្ញានៃការឆ្លងមេរោគនេះនៅឡើយទេ ។ យើងនឹងធ្វើការពិនិត្យសុខភាពកីឡាករ និងបុគ្គលិកក្រោមការណែនាំរបស់មណ្ឌលសុខភាពដែលមានសមត្ថភាព» ៕ (ដកស្រង់ចេញពី Goal.com)
ចែករំលែកព័តមាននេះ