ការផ្ទុះជំងឺកូវីដ ១៩ កំពុងតែរំឭកដល់ប្រជាជនកម្ពុជាគ្រប់រូបនូវគ្រោះអាសន្ន និងវិបត្តិសេដ្ឋកិច្ចផ្សេងៗដែលពួកគេបានជួបប្រទះកន្លងមក ដូចជាវិបត្តិសេដ្ឋកិច្ចនៅឆ្នាំ ២០០៨ ជាដើម ។ ប៉ុន្តែអ្នកជំនាញផ្នែកហិរញ្ញវត្ថុជុំវិញពិភពលោកកំពុងតែរំលឭកដល់មនុស្សគ្រប់គ្នាឲ្យចៀសវាងការចលាចល ហើយអ្នកមិនចាំបាច់ប្រញាប់ទៅដកលុយចេញពីធនាគារ…
ការផ្ទុះជំងឺកូវីដ ១៩ កំពុងតែរំឭកដល់ប្រជាជនកម្ពុជាគ្រប់រូបនូវគ្រោះអាសន្ន និងវិបត្តិសេដ្ឋកិច្ចផ្សេងៗដែលពួកគេបានជួបប្រទះកន្លងមក ដូចជាវិបត្តិសេដ្ឋកិច្ចនៅឆ្នាំ ២០០៨ ជាដើម ។ ប៉ុន្តែអ្នកជំនាញផ្នែកហិរញ្ញវត្ថុជុំវិញពិភពលោកកំពុងតែរំលឭកដល់មនុស្សគ្រប់គ្នាឲ្យចៀសវាងការចលាចល ហើយអ្នកមិនចាំបាច់ប្រញាប់ទៅដកលុយចេញពីធនាគារ យកមកលាក់វាក្រោមពូកទេ ។
មូលហេតុសំខាន់ គឺមកពីវិបត្តិដែលអាចនឹងកើតឡើងនាពេលខាងមុខនេះ មិនមែនកើតឡើងពីទីផ្សារហិរញ្ញវត្ថុ និងអចលនទ្រព្យរបស់សហរដ្ឋអាមេរិកដូចកាលពីឆ្នាំ ២០០៨ ទេ ។ យ៉ាងណាក្តី មនុស្សគ្រប់រូបគួររក្សាភាពប្រុងប្រយ័ត្នដើម្បីចៀសវាងបញ្ហានៅថ្ងៃមុខ ។
យោងទៅតាមលោក ស្កត ខូល (Scott Cole) ដែលជាអ្នករៀបចំផែនការហិរញ្ញវត្ថុនៅសហរដ្ឋអាមេរិកបានប្រាប់ដល់ CNBC Make It ថា មនុស្សម្នាក់ៗគួរតែមានថវិកាគ្រប់គ្រាន់សម្រាប់ការចាយវាយប្រចាំថ្ងៃប្រមាណពី ៣ទៅ ៦ខែ និងដាក់វាក្នុងគណនីធនាគារយ៉ាងតិចណាស់ក៏ពីរដែរ ដែលគណនីមួយជាគណនីសម្រាប់ដកចេញដាក់ចូលបានដោយងាយ និងគណនីមួយទៀតជាគណនីសន្សំ ។ លើសពីនេះទៅទៀត លោកបានផ្តល់ដំបូន្មានមកថា អ្នកគួរតែរកប្រាក់តែនៅពេលមានអាសន្នទេ មិនមែនព្រោះតាមចិត្តចង់ទេ ។
ជាទូទៅ លោក ខូល បានប្រាប់មកថាអ្នកត្រូវតែចៀសវាងធ្វើការសម្រេចចិត្តដោយអាស្រ័យតាមការភ័យខ្លាចថាសេដ្ឋកិច្ចនឹងមានវិបត្តិ ។ ប្រសិនបើអ្នកព្រួយបារម្ភខ្លាំង អ្នកអាចនិយាយជាមួយមនុស្សដែលមានចំណេះដឹងផ្នែកេនះច្រើន និងកុំអនុញ្ញាតឲ្យអារម្មណ៍ជំរុញអ្នកឲ្យធ្វើសកម្មភាពអ្វីមួយ ។
លោក ខូល បានបន្តទៀតថា «ចំណុចវីរុសនេះគឺមានលក្ខណៈខុសពីអ្វីៗដែលធ្លាប់កើតឡើងពីមុនមក ប៉ុន្តែវាមិនមែនជាទីបញ្ចប់នៃពិភពលោក ឬសេដ្ឋកិច្ចឡើយ» ៕
ចែករំលែកព័តមាននេះ