គ្មានកីឡាករ Man Utd ណាម្នាក់ស្ថិតក្នុងបញ្ជីកីឡាករជម្រើស១១នាក់ល្អបំផុតរបស់លោក Mourinho
4 ឆ្នាំ មុន
លោក José Mourinho បច្ចុប្បន្នជាអ្នកចាត់ការក្លិបក្រុមមាន់ខ្នាយមាស Tottenham Hotspur បានបង្ហើបប្រាប់កីឡាករជម្រើស ១១នាក់ដំបូងល្អបំផុតគ្រប់ពេលរបស់លោក ជ្រើសចេញពីកីឡាករក្លិបទាំងអស់ដែលលោកធ្លាប់ដឹកនាំ ខណៈដែលគ្មានកីឡាករ…
លោក José Mourinho បច្ចុប្បន្នជាអ្នកចាត់ការក្លិបក្រុមមាន់ខ្នាយមាស Tottenham Hotspur បានបង្ហើបប្រាប់កីឡាករជម្រើស ១១នាក់ដំបូងល្អបំផុតគ្រប់ពេលរបស់លោក ជ្រើសចេញពីកីឡាករក្លិបទាំងអស់ដែលលោកធ្លាប់ដឹកនាំ ខណៈដែលគ្មានកីឡាករ Man United ណាម្នាក់ស្ថិតក្នុងបញ្ជីនោះឡើយ ។
បុរសជនជាតិព័រទុយហ្គាល់វ័យ ៥៧ឆ្នាំរូបនេះ បានឈ្នះពានរង្វាន់ League Cup និង Europa League ក្នុងកំឡុងពេលដឹកនាំក្រុម Man United និងបានធ្វើការជាមួយកីឡាករឆ្នើម Zlatan Ibrahimovic, Paul Pogba និង David De Gea ប៉ុន្តែពួកគេមិនស្ថិតនៅក្នុងបញ្ជី កីឡាករ១១នាក់ដំបូងល្អបំផុតរបស់លោកឡើយ ។
កីឡាករ Cristiano Ronaldo នៅតែជាខ្សែប្រយុទ្ធមុតស្រួចរបស់លោក Mourinho ខណៈដែលអ្នកទាំង២ ធ្លាប់បានធ្វើការជាមួយគ្នានៅក្នុងក្រុម Real Madrid ។ ខាងក្រោមនេះ ជាបញ្ជីកីឡាករជម្រើស ១១នាក់ល្អបំផុតដែលលោក José Mourinho បានជ្រើសរើស ៖
អ្នកចាំទី: Petr Cech ខ្សែការពារ: Javier Zanetti, John Terry, Ricardo Carvalho និង Ashley Cole ខ្សែបម្រើ: Claude Makelele, Frank Lampard និង Mesut Ozil ខ្សែប្រយុទ្ធ: Eden Hazard, Cristiano Ronaldo និង Didier Drogba ៕ (ដកស្រង់ចេញពី SPORTbible)
ចែករំលែកព័តមាននេះ