កីឡាករ Paul Pogba ខ្សែបម្រើកណ្តាលឆ្នើមរបស់ក្រុមបិសាចក្រហម Manchester United បាននិយាយថា រូបគេចង់វិលត្រឡប់ទៅការប្រកួតវិញ និងជួយក្រុមឈ្នះពានរង្វាន់ នៅពេលការផ្ទុះនៃវីរុស…
កីឡាករ Paul Pogba ខ្សែបម្រើកណ្តាលឆ្នើមរបស់ក្រុមបិសាចក្រហម Manchester United បាននិយាយថា រូបគេចង់វិលត្រឡប់ទៅការប្រកួតវិញ និងជួយក្រុមឈ្នះពានរង្វាន់ នៅពេលការផ្ទុះនៃវីរុស Covid-19 បញ្ចប់។
ក្របខ័ណ្ឌ Premier League និងកីឡាជាច្រើននៅទូទាំងពិភពលោក ត្រូវបានផ្អាក ដោយសារតែការរីករាលដាលខ្លាំងនៃវីរុស Covid-19 ។ មានមនុស្សជាង ៣៣៩០០នាក់នៅទូទាំងពិភពលោក ត្រូវបានរាយការណ៍ថាបានស្លាប់ ដោយសារវីរុសនេះ និងមនុស្សជាង ៧២៣.០០០ បានឆ្លង។
ចំពេលមានការជាប់គាំងនៅចក្រភពអង់គ្លេស ខ្សែបម្រើជម្រើសជាតិបារាំងវ័យ ២៧ឆ្នាំខាងលើ ដែលកំពុងមានការផ្សារភ្ជាប់យ៉ាងខ្លាំង ទៅនឹងការផ្ទេរទៅកាន់អតីតក្លិបខ្លួន Juventus និងក្លិបយក្សអេស្ប៉ាញ Real Madrid បានធ្វើឱ្យអ្នកគាំទ្រខ្លួនរីករាយ ក្រោយពីរូបគេបានធ្វើការផ្ញើសារមួយទោកាន់អ្នកគាំទ្របិសាចក្រហម តាមរយៈគេហទំព័រផ្លូវការរបស់ក្លិបថា «សូមនាំគ្នានៅផ្ទះ-នៅផ្ទះដោយសុវត្ថិភាព និងបន្តគាំទ្រ United» ។
«សង្ឃឹមថាអ្វីៗនឹងប្រសើរឡើងវិញឆាប់ៗនេះ ហើយយើងនឹងត្រឡប់ទៅកាន់ការប្រកួតវិញ ។ សង្ឃឹមថាយើងអាចបង្ហាញអ្នកទាំងអស់គ្នា ថាយើងបានត្រៀមខ្លួនរួចរាល់ ហើយយើងចង់ត្រលប់ទៅរកការឈ្នះពានរង្វាន់របស់យើងវិញ»។
សូមរំលឹកថា Paul Pogba បានពន្យារបាល់បញ្ហារបួសកជើងរបស់ខ្លួន អស់ជាច្រើនខែកន្លងទៅ ៕ (ដកស្រង់ចេញពី Goal.com)
ចែករំលែកព័តមាននេះ