តារាចម្រៀងរូបនេះបាត់បង់ជីវិត ដោយសារកូវីដ-១៩
អាមេរិក ៖ លោក Joe Diffie ជាអ្នកចំរៀងប្រចាំប្រទេសដែលឈ្នះពានរង្វាន់ Grammy និងទទួលបានចំណាត់ថ្នាក់ខ្ពស់ក្នុងឆ្នាំ១៩៩០ បានបាត់បង់ជីវិត ដោយសារជំងឺកូវីដ-១៩…
អាមេរិក ៖ លោក Joe Diffie ជាអ្នកចំរៀងប្រចាំប្រទេសដែលឈ្នះពានរង្វាន់ Grammy និងទទួលបានចំណាត់ថ្នាក់ខ្ពស់ក្នុងឆ្នាំ១៩៩០ បានបាត់បង់ជីវិត ដោយសារជំងឺកូវីដ-១៩ នៅក្នុងអាយុ៦១ឆ្នាំ ។
មរណភាពរបស់តារាចម្រៀងរូបនេះ ត្រូវបានប្រកាសនៅលើទំព័រហ្វេសប៊ុករបស់គាត់ ដែលបាននិយាយថា គាត់បានស្លាប់កាលពីថ្ងៃអាទិត្យ ដោយសារផលវិបាកនៃជំងឺកូវីដ១៩ ។ មរណភាពរបស់គាត់បានកើតឡើងត្រឹមតែពីរថ្ងៃ បន្ទាប់ពីគាត់បានប្រកាសថា គាត់បានធ្វើតេស្តរកឃើញថា វិជ្ជមានវីរុសកូរ៉ូណាថ្មី។
កាលមុនស្លាប់ លោកមានប្រសាសន៍ថា «គ្រួសារខ្ញុំនិងខ្ញុំ សុំពេលនៅក្នុងឯកជនភាពសិននៅពេលនេះ។ ពួកយើងចង់រំលឹកសាធារណជន និងអ្នកគាំទ្រទាំងអស់គ្នាថា ត្រូវតែមានការប្រុងប្រយ័ត្ន ចំពោះការផ្ទុះឡើងនៃជំងឺនេះ» ។
អាល់ប៊ុមដំបូងរបស់គាត់ ដែលមានចំណងជើងថា «A Thousand Winding Roads» ត្រូវបានចេញផ្សាយក្នុងឆ្នាំ១៩៩០ ហើយរួមទាំងបទចំរៀងល្បីរបស់គាត់គឺ បទ «Home» ។
គួរបញ្ជាក់ផងដែរថា មនុស្សជិត១៣៧០០០ នាក់បានធ្វើតេស្តរកមេរោគវីរុសឃើញវិជ្ជមាននៅសហរដ្ឋអាមេរិក ហើយមានអ្នកស្លាប់ជាង២៤០០នាក់ ៕
ចែករំលែកព័តមាននេះ