ខេត្តសៀមរាប ៖ ទីបំផុត បុរសអាយុ៣៨ឆ្នាំនៅខេត្តសៀមរាប ដែលគាត់បានឆ្លងជំងឺកូវីដ-១៩ពីជនជាតិជប៉ុននោះ គឺជាសះស្បើយហើយ ហើយត្រូវអនុញ្ញាតអោយចេញពីមន្ទីរពេទ្យនៅថ្ងៃទី៣០ មីនា នេះ ។ នេះ បើយោងតាមសេចក្តីជូនដំណឹងរបស់ក្រសួងសុខាភិបាល ប្រកាសនាព្រឹកថ្ងៃដដែល ។
គួររំលឹកថា ៖ បុរសជនជាតិខ្មែរ អាយុ៣៨ឆ្នាំម្នាក់ មានទីលំបច្ចុប្បន្នរស់នៅក្នុងក្រុងសៀមរាប ដែលបានឆ្លងជំងឺកូវីដ១៩ ពីជនជាតិជប៉ុននោះ ត្រូវបានក្រុមគ្រូពេទ្យបង្អែកខេត្តសៀមរាបបានពិនិត្យចំនួន៨ នៅតែឃើញវិជ្ជមានដដែល ដូច្នេះ បុរសរូបនេះមិនទាន់អាចចេញពីមន្ទីរពេទ្យបង្អែកខេត្តសៀមរាប ក្នុងពេលឆាប់ៗខាងមុខនេះ ដោយទុកមើលរយៈមួយសប្តាហ៍ទៀត។
បើតាមការអះអាងពីលោកវេជ្ជបណ្ឌិត ក្រុស សារ៉ាត់ ប្រធានមន្ទីសុខាភិបាលខេត្តសៀមរាប បានប្រាប់ភ្នាក់ងារកោះសន្តិភាព កាលពីរសៀលថ្ងៃទី២៥ មីនា ឆ្នាំ២០២០នេះថា ការពិនិត្យព្យាបាលទៅលើខ្លួន បុរសជនជាតិខ្មែរអាយុ៣៨ឆ្នាំម្នាក់ចំនួន៨ដងមកហើយ នៅតែឃើញមានវិជ្ជមានដដែល ។
ដូច្នេះបុរសរូបនេះ មិនទាន់ចេញពីមន្ទីរពេទ្យខេត្តបានទេ ដោយយើងទុកនៅព្យាបាលមើលថែទាំគាត់បន្តទៀត ដើម្បីតាមដានរបស់ពេលមួយអាទិត្យទៀត ។ លោកបានបញ្ជាក់ទៀតថា បើតាមការផ្តល់មតិពីអ្នកជំនាញ មកពីប្រទេសចិនថា បុរសរូបនេះ អាចទុកនៅព្យាបាលរហូត ដល់៣០ថ្ងៃ ក្នុងករណីខ្លះដូច រូបគាត់ចឹង ។
អត្ថបទសរសេរ ដោយ
អត្ថបទសរសេរ ដោយ
ចែករំលែកព័តមាននេះ