រុស្ស៊ី លាតត្រដាងថ្នាំព្យាបាល COVID-19
ប្រទេសរុស្ស៊ី ៖ ប្រទេសរុស្ស៊ី បានប្រកាសនាថ្ងៃទី២៨ ខែមីនា ឆ្នាំ២០២០ ថា បានបង្កើតថ្នាំមួយសម្រាប់ព្យាបាលវីរុស COVID-19។ នេះបើតាមមជ្ឈមណ្ឌលស្រាវជ្រាវ…
ប្រទេសរុស្ស៊ី ៖ ប្រទេសរុស្ស៊ី បានប្រកាសនាថ្ងៃទី២៨ ខែមីនា ឆ្នាំ២០២០ ថា បានបង្កើតថ្នាំមួយសម្រាប់ព្យាបាលវីរុស COVID-19។ នេះបើតាមមជ្ឈមណ្ឌលស្រាវជ្រាវ…
ប្រទេសរុស្ស៊ី ៖ ប្រទេសរុស្ស៊ី បានប្រកាសនាថ្ងៃទី២៨ ខែមីនា ឆ្នាំ២០២០ ថា បានបង្កើតថ្នាំមួយសម្រាប់ព្យាបាលវីរុស COVID-19។ នេះបើតាមមជ្ឈមណ្ឌលស្រាវជ្រាវ និងផលិតឱសថPHARMAZACHITA ដោយថ្នាំនោះផលិតផ្អែកលើថ្នាំប្រឆាំងជំងឺគ្រុនចាញ់ MEFLOQUINE។
ទីភ្នាក់ងារជីវៈវេជ្ជសាស្ត្ររុស្ស៊ី កាលពីថ្ងៃទី២៨ ខែមីនា បង្ហាញឱសថមួយប្រភេទសម្រាប់ព្យាបាលប្រឆាំងវីរុស COVID-19 ដែលផលិតផ្អែកលើថ្នាំប្រឆាំងជំងឺគ្រុនចាញ់ MEFLOQUINE។
PHARMAZACHITA ក្នុងសេចក្ដីប្រកាសមួយគូសបញ្ជាក់ថា ការផលិតថ្នាំនោះដោយផ្អែកលើបទពិសោធន៍របស់ចិន និងបារាំង។
តាមទីភ្នាក់ងារនោះថា ថ្នាំនេះអាចរារាំងឥទ្ធិពល CYTOPATHIQUE របស់វីរុស COVID-19 នៅក្នុងកោសិកា ហើយទប់ការរីកសាយ ពិសេសវាទប់ការធ្វើឲ្យរលាកដោយសារវីរុស។ បន្ថែម MACROLIDES និង PENICILLINES ថ្នាំនោះនឹងជួយរារាំង មិនត្រឹមតែការកកើតនៃបាក់តេរី និងវីរុសបន្ទាប់បន្សំប៉ុណ្ណោះទេ តែក៏នឹងអាចផងដែរ បង្កើនការប្រមូលផ្ដុំ នៃភ្នាក់ងារប្រឆាំងវីរុសនៅក្នុងផ្លាស្មាឈាម និងក្នុងសួត ដែលបែបនេះនឹងផ្ដល់ការព្យាបាលប្រកបដោយប្រសិទ្ធភាពបណ្ដាអ្នកជំងឺ ដែលឈានដល់ដំណាក់កាលធ្ងន់ធ្ងរ។
ម្យ៉ាងវិញទៀតរុស្សុីក៏លាតត្រដាងដែរពីមធ្យោបាយធ្វើតេស្តថ្មីរកអ្នកឆ្លងវីរុស ដែលអាចរកឃើញវត្តមាននៃវីរុស COVID-19 ក្នុងរយៈពេលតែ៩០នាទី។ យោងតាមវ៉េបសាយផ្លូវការមួយរបស់រុស្ស៊ីខាងការតស៊ូប្រឆាំងវីរុសថា ការធ្វើតេស្តនោះ មានប្រសិទ្ធខ្ពស់ដល់ទៅ១០០ដង។ ការដាក់ឲ្យប្រើប្រាស់វីធីធ្វើតេស្តគ្រោងចាប់ពីថ្ងៃទី៣០ ខែមីនាទៅ។
គេគ្រោងផលិតឧបករណ៍ធ្វើតេស្តនេះ ចំនួន១.០០០ក្នុងមួយសប្ដាហ៍ដោយឧបករណ៍នីមួយៗអាចធ្វើការវិភាគបាន១០០ដង។ បែបនោះនឹងជួយធ្វើតេស្តរកអ្នកឆ្លងវីរុស បាន១០០.០០០នាក់ក្នុង១សប្ដាហ៍។ គេគ្រោងបង្កើនការផលិតឧបករណ៍នោះ រហូតដល់២.០០០តេស្តក្នុងមួយសប្ដាហ៍៕ ដកស្រង់ចេញពីវេបសាយ ៖ sputniknews (កែសម្រួលដោយ ៖ បុប្ផា)
ចែករំលែកព័តមាននេះ