ក្នុងកំឡុងពេលដែលមនុស្សម្នាក់ៗក្នុងប្រទេសកម្ពុជា ត្រូវបានទូន្មានឲចៀសវាងកន្លែងសាធារណៈដែលមានមនុស្សច្រើនកុះករ និងនៅផ្ទះ ប្រសិនបើមិនមានការចាំបាច់ត្រូវចេញក្រៅ ខណៈដែលមានការរាតត្បាតនៃវីរុសកូវីដ ១៩ មធ្យោបាយងាយមួយក្នុងការចៀសវាងការធុញទ្រាន់នោះ គឺការមើលទូរទស្សន៍ ទូរស័ព្ទ ឬកុំព្យូទ័រ ដែលនឹងធ្វើឲ្យការចាយវាយលើថ្លៃអគ្គិសនីរបស់អ្នកនឹងកើនឡើងយ៉ាងខ្លាំង ក្នុងកំឡុងពេលប៉ុន្មានខែខាងមុខ ។
ដូច្នេះ តើមានគន្លឹះងាយៗអ្វីដែលអាចជួយឲ្យអ្នកកាត់បន្ថយការខ្ជះខ្ជាយលើអគ្គិសនីខ្លះ?
១. បើកកម្រិតទាបបំផុត ៖
មិនថាកង្ហារ ឬម៉ាស៊ីនត្រជាក់ទេ រាល់គ្រឿងអេឡិចត្រូនិកដែលផ្តល់ជម្រើសឲ្យអ្នកក្នុងការជ្រើសរើសកម្រិតកម្លាំងនោះ អ្នកគួរតែជ្រើសកម្រិតដែលទាបបំផុត ។
២. ប្តូរប្រើអំពូល LED ៖
បច្ចេកវិទ្យាថ្មីៗបានអនុញ្ញាតឲ្យមនុស្សសន្សំអគ្គិសនីបានយ៉ាងងាយដូចជាអំពូល LED ជាដើម។ យោងទៅតាម InterNACHI បានឲ្យដឹងថា អំពូល LED ដែលថ្មីៗអាចកាត់បន្ថយការប្រើប្រាស់អគ្គិសនីដល់ទៅប្រមាណពី ៥០% ទៅ ៧៥% បើធៀបនឹងអំពូលភ្លើងដទៃ ។
៣. បិទវាំងននពេលព្រឹក និងថ្ងៃ ៖
វិធីងាយមួយក្នុងការទម្លាក់សីតុណ្ហភាពក្នុងផ្ទះរបស់អ្នក គឺបិទវាំងននរាល់ពេលព្រឹក និងថ្ងៃ ព្រោះពន្លឺថ្លៃអាចតម្លើងសីតុណ្ហភាពក្នុងផ្ទះរបស់អ្នកបានដែលបង្ខំឲ្យមនុស្សព្យាយាមបើកកង្ហារ ឬម៉ាស៊ីនត្រជាក់ដើម្បីទប់ទល់ ។
៤. ប្រើទឹកត្រជាក់ ៖
មិនមាននរណាដែលចូលចិត្តងូតទឹកត្រជាក់ទេប្រសិនបើអាកាសធាតុត្រជាក់ស្រាប់ ។ ប៉ុន្តែសម្រាប់សម្លៀកបំពាក់ ចាន និងរបស់ផ្សេងៗដែលត្រូវការការសម្អាត វាមិនត្រូវការទឹកក្តៅទេ ។ ការកាត់បន្ថយការប្រើប្រាស់ទឹកក្តៅអាចជួយឲ្យអ្នកកាត់បន្ថយថ្លៃអគ្គិសនីបានដែរ ៕ ដកស្រង់ចេញពីវេបសាយ ៖ freshome (កែសម្រួលដោយ ៖ បុប្ផា)
ចែករំលែកព័តមាននេះ