រាជធានីភ្នំពេញ ៖ ស្ត្រីជាប្រពន្ធដើម និងនារីវ័យក្មេង ដែលអះអាងថា ជាប្រពន្ធចុងមានទំនាស់ជេរគ្នាបែកផ្សែង និងក្លាយជាអំពើហិង្សាវាយតប់គ្នា ខណៈពេលដែលនាងជាប្រពន្ធដើមតាមរកប្តីអោយចូលខ្លួនដោះស្រាយបញ្ចប់ការលែងលះគ្នា នៅតុលាការ តែប្តីដឹងខ្លួនគេចបាត់…
រាជធានីភ្នំពេញ ៖ ស្ត្រីជាប្រពន្ធដើម និងនារីវ័យក្មេង ដែលអះអាងថា ជាប្រពន្ធចុងមានទំនាស់ជេរគ្នាបែកផ្សែង និងក្លាយជាអំពើហិង្សាវាយតប់គ្នា ខណៈពេលដែលនាងជាប្រពន្ធដើមតាមរកប្តីអោយចូលខ្លួនដោះស្រាយបញ្ចប់ការលែងលះគ្នា នៅតុលាការ តែប្តីដឹងខ្លួនគេចបាត់ បែរជាមកជួបប្រពន្ធចុង មានការប្រទុស្តសារ៉ាយគ្នាតែម្តង ។
ទោះបីជាយ៉ាងណាហិង្សានោះ មិនបង្កអោយរងរបួសធ្ងន់នោះទេ តែត្រូវបាននគរបាលប៉ុស្តិ៍នាំខ្លួនភាគីទាំងពីទៅស្នាក់ការសម្របសម្រួលតែប៉ុណ្ណោះ ។ ហេតុការណ៍ នេះបង្កអោយមានការភ្ញាក់ផ្អើល កាលពីវេលាម៉ោង១១និង៤០នាទីថ្ងៃទី២៨ ខែមីនា ឆ្នាំ២០២០ នៅតាមបណ្តោយផ្លូវខាងសារិន ជិតវត្តទួលសុវណ្ណារាម ហៅវត្តអស់លោក ក្នុងភូមិក្រោលគោ ខណ្ឌឫស្សកែវ រាជធានីភ្នំពេញ ។
ស្ត្រីជាប្រពន្ធដើមត្រូវបានគេស្គាល់ឈ្មោះ ឈន រតនា អាយុ៣៦ឆ្នាំ មានប្តីឈ្មោះ ឈុំ វិឆៃ អាយុ៣៨ឆ្នាំ មុខរបររត់តាក់ស៊ី ព្រៃវែង- ភ្នំពេញ ទាំង២នាក់ រស់នៅភូមិខ្យោក ឃុំពពឹស ស្រុកស្វាយអន្ទរខេត្តព្រៃវែង ។ ចំណែកនារីដែលគេដឹងថា ជាប្រពន្ធចុងនោះ ឈ្មោះ ពី សី អាយុ២៦ឆ្នាំ មុខរបរលក់គ្រឿងក្រអូប នៅភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ ដែលជាកន្លែងកន្លែងកើតហេតុ ។
តាមព័ត៌មានអោយដឹងថា នៅមុនពេលកើតហេតុ នារីជាប្រពន្ធ រួមទាំងបងប្អូនប្រមាណ៦នាក់ បានជិះរថយន្តម៉ាកហាយឡេន ឌ័រមួយគ្រឿង មកពីខេត្តព្រៃវែង គោលបំណង់តាមរកបុរសជាប្តីដែលបានបោះបង់ចោលប្រពន្ធកូននិងគេចមិនចូលខ្លួន តាមការកោះហៅរបស់តុលាការខេត្តព្រៃវែង ចំនួន២ដងមកហើយ ព្រមទាំងតាមរករថយន្តម៉ាកសាំងយ៉ុង២គ្រឿង ដែលលោកប្តីកំហូចនោះយកមក ដើម្បីយកទៅលក់បង់លុយធានាគ្នា ។
តាមព័ត៌មានអោយដឹងទៀត នៅក្នុងការតាមរកនាងប្រពន្ធដើមទំនងជាមានតំរ៉ុយដឹងថា លោកប្តីលួចមានប្រពន្ធចុងមកសោយសុខ នៅម្តុំវត្តទួលអស់លោក ហើយបានមកឈប់នៅក្បែរផ្ទះនារីដែលជាប្រពន្ធចុងធ្វើជាទិញទឹកសុទ្ធ ។ ខណៈនោះបុរសជាប្តីទំនងជាដឹងខ្លួនគ្រាន់តែឃើញប្រពន្ធភ្លាមៗគេចបាត់ស្រមោល ។
តាមព័ត៌មានអោយដឹងថា ដោយសារតែកំហឹងស្នេហាត្រីកោណ ដែលនារីជាប្រពន្ធចុងបានលួចទាក់ទងដណ្តឹមប្តីរបស់ខ្លួននៅពេលនោះ នាងប្រពន្ធដើមក៏បានជេរប្រចោល និងដាក់ទំនាយនៅក្បែរផ្ទះ ហើយត្រូវបាននារីជាប្រពន្ធចុងចិត្តសឿងបានស្ទុះចេញមកពីក្នុងផ្ទះ រួមជាមួយបងប្អូនម្តាយផងដែរ តបវិញ និងទាញធុងទឹកកកអ្នកជិតខាងស្ទះមុខរថយន្តប្រពន្ធដើម ។
ភ្លាមៗនោះ នគរបាលមូលដ្ឋានបានចុះមកសម្របសមម្រួល ។ បន្ទាប់ពីមានទំនាស់គ្នា យ៉ាងស៊ីសាចហុតឈាម នារីជាប្រពន្ធ បានទាញធុងទឹកកកចេញពីមុខរថយន្ត ប្រុងចេញដំណើរទៅវិញ ស្រាប់តែនារីជាប្រពន្ធចុងចិត្តសឿង បានទាញធុងទឹកកក និងចាក់ភេសជ្ជៈនៅមុខរថយន្តព្រមទាំង ស្ទុះទៅវាយនារីជាប្រពន្ធដើម នៅមុនគរបាលមូលដ្ឋាន និងផ្ទុះការជេរប្រចោលគ្នាជាថ្មី ។ ខណៈនោះគេឃើញ មានការប្រតាយ វាយគ្នា បណ្តាលអោយរងរបួស ស្នាមដោយសារតែក្រចកផងដែរ ។ បន្ទាប់ពីហិង្សានគរបាលបាននាំខ្លួននារីជាប្រពន្ធចុង ដែលបង្កហិង្សា និងហៅភាគីប្រពន្ធដើមទៅប៉ុស្តិ៍ ដើម្បីសម្របសម្រួលគ្នា ។
តាមនារី ជាប្រពន្ធដើម បានអោយដឹងថា នាង និងប្តឹងបានរៀបអាពាហ៍ពិពាហ៍រួមរស់នៅជាមួយគ្នាជាប្តីប្រពន្ធតាំងពីឆ្នាំ២០០៦ មកម្លេះរយៈពេល ១៤ឆ្នាំមកហើយ ដោយមានកូន៣នាក់ ,ស្រី២ ប្រុស១ ។ រយៈពេលប្រមាណ៤ឆ្នាំមកហើយ ពួកគេទាំង២នាក់ រស់នៅមិនចុះសម្រុងគ្នា ហើយប្តីរត់តាក់ស៊ីលួចមានស្រី លួចមានថ្មី ។ បន្ទាប់ពីរស់នៅមិនចុះសម្រុងគ្នា បុរសជាប្តីបានសម្រេចចិត្ត ដោយដាក់ពាក្យបណ្តឹងលែងលះគ្នាមុន នៅតុលាការខេត្ត ដើម្បីលែងគ្នា និងបានធ្វើការបែងចែងទ្រព្យសម្បត្តិ និងកូន ។ការប្តឹងលែងលះគ្នាត្រូវបានតុលាការបានកោះហៅ២លើកមកហើយ ដើម្បីអោយប្តីចូលខ្លួនបំភ្លឺ ហើយគាត់មិនចូល ហើយគេចរហូតមក ព្រមទាំងយករថយន្តម៉ាកសាំងយ៉ុង២គ្រឿងមកជាមួយ ហើយគេចខ្លួន មកសាងស្នេហ៍ថ្មីទាំងខ្លួនមិនទាន់ដាច់ ។
តាមស្ត្រីជាប្រពន្ធដើមអោយដឹងទៀតថា ដោយសារប្តីមិនចូលខ្លួនដោះស្រាយ ទុកអោយនាងជាអ្នកទទួលបន្ទុកធ្ងន់ធ្ងរ ចិញ្ចឹមកូន និងបង់ធានាគារ បានដាច់ចិត្ត តាមរកប្តី អោយចូលខ្លួនរករថយន្តតែប្តីគេចបាត់ ។ ចំណែកស្ត្រីជាប្រពន្ធចុងបានអោយដឹងថា នាងត្រូវបានស្ត្រីជាប្រពន្ធដើមជេរប្រចោលទាំងក្នុងហ្វេសប៊ុក និងតាមមកជេរដល់មុខផ្ទះទៀតទើបនាងទ្រាំលែងបាន ។
តាមព័ត៌មានអោយដឹងថា បន្ទាប់ពីនាំខ្លួនទៅប៉ុស្តិ៍ ដោយសារតែរបួសមិនធ្ងន់នគរបាលក៏បានសម្របសម្រួល ធ្វើកិច្ចសន្យាឈប់ប្រើហិង្សាទៀត ហើយណែនាំអោយភាគខាងប្រុសចូលខ្លួនទៅតុលាការ ដើម្បីផ្តាច់សង្វាស់អោយដាច់ទើបមានសិទ្ធយកប្រពន្ធមួយទៀតបាន ៕
ចែករំលែកព័តមាននេះ