ក្រុមហ៊ុន Amazon អាចជួយដឹកជញ្ជូនឧបករណ៍ធ្វើតេស្តកូវីដ១៩ ជុំវិញពិភពលោក
បុរសដែលមានទ្រព្យសម្បត្តិច្រើនជាងគេលើលោក គឺលោកនាយកប្រតិបត្តិ ជេហ្វ បេសូស (Jeff Bezos) របស់ Amazon បានចែករំលែកលើ Instagram…
បុរសដែលមានទ្រព្យសម្បត្តិច្រើនជាងគេលើលោក គឺលោកនាយកប្រតិបត្តិ ជេហ្វ បេសូស (Jeff Bezos) របស់ Amazon បានចែករំលែកលើ Instagram…
បុរសដែលមានទ្រព្យសម្បត្តិច្រើនជាងគេលើលោក គឺលោកនាយកប្រតិបត្តិ ជេហ្វ បេសូស (Jeff Bezos) របស់ Amazon បានចែករំលែកលើ Instagram កាលពីថ្ងៃព្រហស្បត្តិ៍កន្លងមកថា លោកបានប្រជុំអនឡាញជាមួយនឹងលោក ថេដ្រូស អាដាណម ហ្គេប្រេយេសូស (Tedros Adhanon Ghebreyesus) ដែលជាប្រធានអង្គការសុខភាពពិភពលោក (WHO) និងបានសម្រេចនូវវីធីជាច្រើនដែល Amazon កំពុងតែចូលរួមជួយដល់ WHO ក្នុងការឆ្លើយតបនឹងកូវីដ១៩ ។
យោងទៅតាមលោកបេសូសបានឲ្យដឹងថា Amazon បានផ្តល់ជាការគាំទ្រផ្នែកបច្ចេកវិទ្យាជូនដល់ WHO ហើយដែលរួមមានការជួយផ្តល់ជាបច្ចេកវិទ្យា Artificial Intelligence ក្នុងការតាមដានការរាតត្បាតនៃវីរុសខាងលើ និងជួយបកប្រែរាល់ឯកសារ និងសម្ភារៈនានារបស់អង្គការខាងលើផងដែរ ។
លោក បេសូស បានសរសេរថា «កិច្ចការបច្ចុប្បន្នរបស់ពួកយើងជាមួយ WHO រួមមាន៖ ការបង្កើនលទ្ធភាព និងសន្តិសុខសម្រាប់គេហទំព័ររបស់ WHO ផ្តល់ ML(Machine Learning) និង AI សម្រាប់ការផ្តួចផ្តើម Epidemic Intelligence from Open Sources របស់ WHO ជួយក្នុងការបកប្រែនៃឯកសាររបស់ WHO ផ្តល់ជាជំនួយផ្នែកភស្តុភា» ។
លោកមិនបានផ្តល់ជាព័ត៌មានលម្អិតទេថាជំនួយផ្នែកភស្តុភាររួមមានអ្វីខ្លះ ប៉ុន្តែអ្នកដឹកជញ្ជូនរបស់ Amazon អាចនឹងចូលរួមក្នុងារដឹកជញ្ជូនឧបករណ៍ធ្វើតេស្តដោយខ្លួនឯងឲ្យទៅកាន់សាធារណជនក្នុងពេលខាងមុខ ។ លោកបានបន្តទៀតថា «ពួកយើងបានពិភាក្សាពីតម្រូវការចាំបាច់សម្រាប់សកម្មភាពរួមក្នុងការផលិត និងចែកចាយឧបករណ៍ធ្វើតេស្តកូវីដ១៩» ។
នៅចក្រភពអង់គ្លេស Amazon បានយល់ព្រមក្នុងការដឹកជញ្ជូនឧបករណ៍ធ្វើតេស្តទាំងនេះរាល់លានទៅឲ្យបុគ្គលិកផ្នែកសុខាភិបាលមុននឹងចែកចាយទៅឲ្យសាធារណជនបន្តទៀត ។
ផ្ទុយពីមហាសេដ្ឋីក្នុងវិស័យបច្ចេកវិទ្យាដទៃក្នុងសហរដ្ឋអាមេរិក លោក បេសូស មិនបានប្រកាសជាសាធារណៈទេពីការបរិច្ចាគរបស់លោកក្នុងការឆ្លើយតបនឹងការរាតត្បាតខាងលើ ៕
ចែករំលែកព័តមាននេះ