រាជធានីភ្នំពេញ ៖ ករណីមួយបង្កការភ្ញាក់ផ្អើលអ្នកដំណើរតាមផ្លូវ កាលពីវេលាម៉ោង៩ព្រឹកថ្ងៃទី២៨ មីនា នៅចំណុចផ្លូវបេតុង ភូមិតាងួន សង្កាត់កាកាប១ ខណ្ឌពោធិសែនជ័យ ខណៈក្រុមគ្រួសារ…
រាជធានីភ្នំពេញ ៖ ករណីមួយបង្កការភ្ញាក់ផ្អើលអ្នកដំណើរតាមផ្លូវ កាលពីវេលាម៉ោង៩ព្រឹកថ្ងៃទី២៨ មីនា នៅចំណុចផ្លូវបេតុង ភូមិតាងួន សង្កាត់កាកាប១ ខណ្ឌពោធិសែនជ័យ ខណៈក្រុមគ្រួសារ រួមទាំងសមត្ថកិច្ចបានតាមទាន់នារីម្នាក់កំពុងបើករថយន្តតាមផ្លូវ ។
ប្រភពពីកន្លែងកើតហេតុថា ជាករណីនារីម្នាក់នេះ មានគូរដណ្តឹងរស់នៅជាមួយគ្នាដូចប្តីប្រពន្ធ តែនាងលួចមានអ្នកថ្មី ដោយលួចយករថយន្តរបស់ឪពុកម្តាយបើករត់គេចមក ហើយត្រូវក្រុមគ្រួសារទាន់នៅចំណុចខាងលើ ។ នារីដែលបង្កភ្ញាក់ផ្អើលខាងលើអាយុ២១ឆ្នាំ ជាបុគ្គលិកក្រុមហ៊ុនឯកជន មានទីលំនៅខេត្តកំពង់ឆ្នាំង ទើបតែមកស្នាក់ភ្នំពេញបាន២ខែ ។
បើតាមក្រុមគ្រួសារបានឲ្យដឹងទៀតថា នាងគូដណ្តឹងតែរស់នៅជាមួយគ្នាជាង២ឆ្នាំមកហើយ ។ ស្រាប់តែរយៈពេល២ខែមកនេះ នាងលួចមានស្នេហាថ្មីនៅមកនៅក្រុងភ្នំពេញគ្មានដំណឹងទេ ថែមយកទាំងរថយន្តព្រុសមួយគ្រឿង ពណ៌ក្រហម ពាក់ស្លាកលេខកំពង់ឆ្នាំង 2B-3253 មកជាមួយផង ។
នៅវេលាម៉ោង៣ទៀបភ្លឺចូលថ្ងៃទី២៨ មីនា នេះ នាងបានលេចមុខទៅផ្ទះ ដោយលួចគាស់ទ្វារចូល ប្រមូលយកខោអាវ និងយកទ្រព្យសម្បត្តិទៀតផង ប៉ុន្តែត្រូវក្រុមគ្រួសារទាន់ ធ្វើការឃាត់និងដេញពីកំពង់ឆ្នាំង និងដល់ទីតាំងកើតហេតុនេះ ។
កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ