ខេត្តបាត់ដំបង ៖ បុរសម្នាក់ដែលរត់ចោលស្រុកកំណើតអស់រយ:ពេល១៤ឆ្មាំ ទៅធ្វើពលករនៅស្រុកថៃ ក្រោយចាប់រំលោភស្ត្រីគម្នាក់ ពេលនេះត្រូវកម្លាំងនគរបាលផ្នែកអនុវត្តដីកាចាប់ខ្លួន កាលពីវេលាម៉ោង១០ព្រឹកនៅថ្ងៃទី ២៧ មីនា គឺបន្ទាប់ពីមេរោគកូវីដ-១៩ថ្មី បង្ខំជននេះវិលត្រឡប់ពីប្រទសថៃ ចូលស្រុកវិញ នៅភូមិឆាយរំពាត់ ឃុំកន្ទឺ២ ស្រុកបាណន់។
លោកកង សុផាន់ណា នាយរងការិយាល័យកំរិតធ្ងន់ ទទូលបន្ទុកផ្នែកអនុវត្តដីកាបានឱ្យដឹងថា ជនដែលត្រូវចាប់ខ្លួននោះ ឈ្មោះ លឿត តុងហាន់ អាយុ៣៥ឆ្នាំ រស់នៅចំណុចភូមិ-ឃុំខាងលើ ។ ជននេះ ត្រូវកម្កាំងនគរបាលផ្នែកអនុវត្តដីកានៃអធិការស្រុកបាណន់ចាប់ខ្លួន ដោយយោងតាមដីកាបង្គាប់ឲ្យចាប់ខ្លួនលេខ៣៣០ដ ច ខ ចុះថ្ងៃទី៣០មេសា ឆ្នាំ២០០៧ ដោយចៅក្រមស៊ើបសួរ លោកឌុច សុខសារិន ។ លោកសុ
ផាន់ណា បានបញ្ជាក់ថា បើយោងលើតាមដីកាចាប់ខ្លួននេះ ព្រះរាជអាជ្ញារង លោកកូយ កាន់យ៉ា បានចោទប្រកាន់ជនឈ្មោះ លឿត តុងហាន់ នេះពីបទ «រំលោភសេពសន្ថវៈ» ទៅលើក្មេងស្រីរងគ្រោះ ដែលជាមនុស្សគរហើយរស់នៅផ្ទះនៅក្បែរគ្នា តែបានប្រព្រឹត្តនៅភូមិថ្មី ឃុំកន្ទឺ១ ស្រុកបាណន់ កាលពីថ្ងៃទី០៧ មីនា ឆ្នាំ២០០៦ កន្លងទៅ។
ជាមួយនឹងការចាប់ខ្លួននេះ ឈ្មោះ លឿត តុងហាន់ បានសារភាពថា កាលនោះខ្លួនពិតជាបានប្រព្រឹត្តទៅលើក្មេងស្រីគរនោះមែន។ ជននេះនិយាយថា ក្រោយប្រព្រឹត្តបានសម្រេចខ្លួនបានរត់ចោលស្រុកកំណើត ឆ្លងដែនទៅធ្វើការនៅប្រទេសថៃរហូត ដោយធ្វើជាអ្នកបើកអូប័រ។ ប៉ុន្តែស្របពេលប្រទេសថៃ ចាប់ផ្ដើបផ្ទុះមេរោគកូវីដ-១៩ ថ្មី កាន់តែខ្លាំងឡើងៗដូចប្រទេសនានាដែរ ម្យ៉ាងខ្លួនគិតថា រឿងរ៉ាវរបស់ខ្លួនកើតឡើងជាង១០ឆ្នាំទៅហើយ ទំនងត្រូវបានបញ្ចប់ ទើបខ្លួនសម្រេចវិលចូលស្រុកកំណើត ក៏ត្រូវសមត្ថកិច្ចមកចាប់ខ្លួនល្មម។
លោកកង សុផាន់ណា បានប្រាប់ថា ពេលនេះ កម្លាំងជំនាញបឆននាំជនជាប់ចោទឈ្មោះ លឿត តុងហាន់ មកកាន់ស្នងការដ្ឋានខេត្តហើយ និងកំពុងរៀបចំបញ្ជូនបន្តទៅកាន់សាលាដំបូងខេត្ត ដើម្បីចាត់ការតាមនីតិវិធី ៕
ចែករំលែកព័តមាននេះ