រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នាវេលាម៉ោង៤និង១៣នាទីរសៀលថ្ងៃទី១៧ មីនា ឆ្នាំ២០២០នេះ នៅសាលារាជធានីភ្នំពេញ អាជ្ញាធររាជធានីភ្នំពេញបានបើកយុទ្ធនាការផ្សព្វផ្សាយ និងវិធានការទប់ស្កាត់ការរីករាលដាលនៃវីរុសកូវីដ-១៩ ។…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នាវេលាម៉ោង៤និង១៣នាទីរសៀលថ្ងៃទី១៧ មីនា ឆ្នាំ២០២០នេះ នៅសាលារាជធានីភ្នំពេញ អាជ្ញាធររាជធានីភ្នំពេញបានបើកយុទ្ធនាការផ្សព្វផ្សាយ និងវិធានការទប់ស្កាត់ការរីករាលដាលនៃវីរុសកូវីដ-១៩ ។
ការបើកយុទ្ធនាការខាងលើស្ថិតក្រោមអធិបតីភាពលោកហ៊ុន ម៉ានី, លោកសាយ សំអាល់, លោក ស សុខា និងលោកឃួង ស្រេង អភិបាលរាជធានី ដោយមានការចូលរួមពីកម្លាំងសមត្ថកិច្ច មានដូចជា ប៉ូលិស, ប៉េអឹម និងអាជ្ញាធរសង្កាត់-ខណ្ឌផងដែរ ។
យុទ្ធនាការខាងលើនេះក៏មានចែកខិត្តប័ណ្ណ សាប៊ូ ម៉ាស់ អាល់កុល និងទែម៉ូម៉ែត្រ ដល់អាជ្ញាធរខណ្ឌ-សង្កាត់ និងមន្ទីរជំនាញពាក់ព័ន្ធទាំងអស់ផងដែរ ។
អ្វីដែលជាការកត់សម្គាល់នោះ ក្នុងពិធីបើកយុទ្ធនាការខាងលើ គេសង្កេតឃើញថា ទាំងគណៈអធិបតី និងអ្នកចូលរួមបានឈរគម្លាតគ្នាយ៉ាងតិច១ម៉ែត្រ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ