អាមេរិក ៖ សហរដ្ឋអាមេរិកកាលពីថ្ងៃព្រហស្បតិ៍ ទី២៦ ខែមីនា បានវ៉ាដាច់ប្រទេសចិន ដោយយកលំដាប់ថ្នាក់លេខ១ ខាងមានករណីឆ្លងកូវីដ១៩ ច្រើនជាងគេលើលោក ហើយបានរាយការណ៍ពីចំនួនអ្នកអត់ការងារធ្វើកើនឡើងយ៉ាងខ្លាំង ខណៈមេដឹកនាំពិភពលោកបានប្តេជ្ញាថា នឹងជះលុយ ៥ ពាន់ពាន់លាន (ទ្រីលាន) ដុល្លារ ដើម្បីទប់ស្កាត់ការដួលរលំនៃសេដ្ឋកិច្ចពិភពលោក។
មនុស្សជាង ៥០០,០០០ នាក់នៅជុំវិញពិភពលោក ឥឡូវនេះបានឆ្លងវីរុសកូវីដ១៩ សូម្បីតែនៅក្នុងប្រទេសអ្នកមាន និងបង្កឱ្យមានផលប៉ះពាល់ដល់ជីវិតរាប់ពាន់លាននាក់។
នៅសហរដ្ឋអាមេរិក មនុស្សជាង ៨២,០០០ នាក់ បានធ្វើតេស្តវិជ្ជមានសម្រាប់កូវីដ១៩ ដែលធ្វើឱ្យសុំដាច់ប្រទេសអ៊ីតាលី និងប្រទេសចិន។ ប្រទេសអ៊ីតាលី បានរាយការណ៍ថា មានអ្នកបាត់បង់ជីវិតច្រើនជាងគេ ខណៈដែលប្រទេសចិន គឺជាប្រទេសដែលគេរកឃើញជំងឺនេះដំបូងគេនៅខែធ្នូឆ្នាំមុន នៅ Wuhan។
ដោយមានការភ័យខ្លាចកើនឡើងនៃវិបត្តិសេដ្ឋកិច្ចពិភពលោក មេដឹកនាំមកពីក្រុមប្រទេសសេដ្ឋកិច្ចធំៗ ទាំង២០ បានជួបពិភាក្សាគ្នាតាមបណ្តាញខ្សែអាត់វីដេអូ ដោយបានសន្យាថា នឹងរួបរួមគ្នា ដើម្បីប្រយុទ្ធប្រឆាំងនឹងការផ្ទុះឡើងនេះ រួមជាមួយការជះហិរញ្ញវត្ថុយ៉ាងសម្បើម។
ក្រុមអ្នកដឹកនាំបានប្រកាសថា៖ «យើងកំពុងបញ្ចូលទឹកប្រាក់ជាង ៥ពាន់ពាន់លាន (ទ្រីលាន) ដុល្លារទៅក្នុងសេដ្ឋកិច្ចពិភពលោក ដែលជាផ្នែកមួយនៃគោលនយោបាយសារពើពន្ធគោលដៅវិធានការសេដ្ឋកិច្ច និងការធានា ដើម្បីប្រឆាំងនឹងផលប៉ះពាល់សង្គមសេដ្ឋកិច្ច និងហិរញ្ញវត្ថុពីជំងឺរាតត្បាត»។
ពួកគេក៏បានសន្យាផងដែរ នូវការគាំទ្ររឹងមាំ សម្រាប់ប្រទេសកំពុងអភិវឌ្ឍន៍ ដែលវីរុសនេះបានធ្វើឱ្យមានផលប៉ះពាល់៕ ដកស្រង់ចេញពីវេបសាយ ៖ thestar (កែសម្រួលដោយ ៖ បុប្ផា)
ចែករំលែកព័តមាននេះ