ម៉ាឡេស៊ី ៖ ព្រះមហាក្សត្រនៃប្រទេសម៉ាឡេស៊ី និងម្ចាស់ក្សត្រីរបស់ព្រះអង្គ ត្រូវបានដាក់ឱ្យនៅដាច់ដោយឡែករយៈពេល១៤ថ្ងៃ បន្ទាប់ពីមន្ត្រីវាំងជាច្រើនរូប ត្រូវបានតេស្តរកឃើញមានផ្ទុកវិរុសកូវដី-១៩ ។ នេះបើយោងតាមការចុះផ្សាយរបស់សារព័ត៌មានម៉ាឡេស៊ី ចុះថ្ងៃទី ២៦ ខែមីនា នេះ ។
លោក Ahmad Fadil Shamsuddin សមាជិកនៃគ្រួសាររាជវង្សបានមានបន្ទូលថា ព្រះមហាក្សត្រនិងមហេសីក៏បានធ្វើតេស្តរកវីរុសកូវីដ-១៩ តែលទ្ធផលបានបង្ហាញថា ទ្រង់ទាំងពីរអង្គគឺតេស្តអវិជ្ជមានចំពោះវីរុសដ៏កាចសាហាវមួយនេះ។
លោកបានបន្ថែមទៀតថាឥឡូវនេះ មន្ត្រីវាំងចំនួន ៧ នាក់កំពុងស្ថិតក្នុងស្ថានភាពមានស្ថិរភាព ហើយកំពុងទទួលការព្យាបាលនៅមន្ទីរពេទ្យគូឡាឡាំពួរ។ ខណៈអ្នកដែលពាក់ព័ន្ធ ឬក៏បានប៉ះពាល់នឹងអ្នកផ្ទុកកូវីដ-១៩ ទាំង៧នាក់ត្រូវបានយកមកធ្វើតេស្ត និងត្រូវបានដាក់ឲ្យនៅដាច់ដោយឡែកពីគេផងដែរ ៕
ចែករំលែកព័តមាននេះ