ក្រុមហ៊ុន ខ្មែរ ប៊ែវើរីជីស បានបរិច្ចាគទឹកបរិសុទ្ធកម្ពុជាចំនួន ៣០០០កេស ជូនក្រសួងសុខាភិបាល ដើម្បីប្រើប្រាស់ក្នុងយុទ្ធនាការប្រយុទ្ធប្រឆាំងនឹងការចម្លងជំងឺកូវីដ១៩ ។ ពិធីប្រគល់ទឹកបរិសុទ្ធកម្ពុជា ធ្វើឡើងនៅក្រសួងសុខាភិបាល កាលពីថ្ងៃទី២៤ ខែមីនា ឆ្នាំ២០២០ ។
ការបរិច្ចាគនេះ គឺដើម្បីគាំទ្រ និងចូលរួមលើកទឹកចិត្តដល់បុគ្គលិកសុខាភិបាល និងវេជ្ជបណ្ឌិតទាំងអស់ដែលជាវីរៈបុរសក្នុងការព្យាបាល និងទប់ស្កាត់ការរីករាលដាលនៃជំងឺកូវីដ១៩ នេះ ។
កាលពីសប្តាហ៍មុន ក្រុមហ៊ុន ជីប ម៉ុង ដែលជាក្រុមហ៊ុនមេរបស់ក្រុមហ៊ុន ខ្មែរ ប៊ែវើរីជីស បានបរិច្ចាគថវិកា ៥០ម៉ឺនដុល្លារ ជូនរាជរដ្ឋាភិបាលសម្រាប់ប្រតិបត្តិការទប់ស្កាត់វីរុសកូវីដ១៩ ។
ក្រុមហ៊ុន ខ្មែរ ប៊ែវើរីជីស តែងតែចូលរួមក្នុងសកម្មភាពសង្គមយ៉ាងច្រើនដូចជា កាលពីខែកុម្ភៈ កន្លងមក ក្រុមហ៊ុន ខ្មែរ ប៊ែវើរីជីស បានបរិច្ចាគទឹកបរិសុទ្ធកម្ពុជាចំនួន ៣៣០០០កេស ជូនមន្ទីរពេទ្យចំនួន ៥ ក្នុងរាជធានីភ្នំពេញ សម្រាប់ចែកជូនអ្នកជំងឺដែលកំពុងសម្រាកព្យាបាលដោយឥតគិតថ្លៃ ។
ទឹកបរិសុទ្ធកម្ពុជា ទឹកពិសាស្តង់ដាខ្ពស់ ត្រូវបានបន្សុទ្ធ ១០០% ដោយបច្ចេកវិទ្យាទំនើបបំផុតរបស់អាល្លឺម៉ង់ ដែលអាចជួយបំពេញជាតិទឹកក្នុងខ្លួន ធ្វើឲ្យស្បែកមានសំណើម និងជាទឹកពិសាប្រចាំថ្ងៃ ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ