ខេត្តស្វាយរៀង ៖ ជនជាតិចិនប្រមាណ២០០នាក់បានធ្វើដំណើរតាមរថយន្តក្រុងមកចុះនៅចំណុចខាងមុខសណ្ឋាគារនិងកាស៊ីណូជិតច្រកទ្វារព្រំដែនអន្តរជាតិបាវិតកាលពីវេលាម៉ោង៧និង១០នាទីយប់ថ្ងៃទី២៤ មីនា២០២០ ស្ថិតនៅក្រុងបាវិត ធ្វើឲ្យមានការភ្ញាក់ផ្អើលដល់មហាជន ហើយក្រុមសមត្ថកិច្ចនគបាលក្រុងបាវិតសហការជាមួយកងរាជអាវុធហត្ថក្រុងបាវិតនិងនគបាលអន្តោប្រវេសន្ត៍ច្រកទ្វាព្រំដែនអន្តរជាតិបាវិតអាជ្ញាធរក្រុងបាវិតបានឃាត់ខ្លួនជនជាតិចិនទាំង២០០នាក់មកដាក់នៅសាលាក្រុងបាវិត អធិការដ្ឋាននគរបាលក្រុងបាវិតនិងអគារកងរាជអាវុធហត្ថក្រុងបាវិតដើម្បីគ្រប់គ្រងនិងធ្វើចត្តាឡីសក័។
ទាក់ទិនករណីខាងលើនេះ លោកលឹម សៀងហេង អភិបាលក្រុងបាវិតបានប្រាប់កោះសន្តិភាពថា នៅយប់ថ្ងៃទី២៤ មីនា ឆ្នាំ២០២០ គឺមានជនជាតិចិនប្រមាណ២០០នាក់បានធ្វើដំណើរពីទិសខាងលិចតាមផ្លូវជាតិលេខ១មកចុះនៅមុខសណ្ឋាគារនិងកាស៊ីណូក្នុងក្រុងបាវិត ហើយគោលបំណងចូលស្នាក់នៅក្នុងសណ្ឋាគារនិងតាមកាស៊ីណូ ក៏ប៉ុន្តែម្ចាស់សណ្ឋាគារនិងកាស៊ីណូមិនអនុញ្ញាត ដោយបានរាយការណ៍ជូនអាជ្ញាធរនិងសមត្ថកិច្ច ទើបលោកសហការជាមួយនគបាលអន្តោប្រវេសន្ត៍ស្នងការនគបាលខេត្តនគបាលអន្តោប្រវេសន្ត៍ច្រកទ្វារព្រំដែនអន្តរជាតិបាវិតនគបាលក្រុងបាវិតនិងកងរាជអាវុធហត្ថក្រុងខេត្តចុះទៅឃាត់និងបញ្ជូនជនជាតិចិនទាំង២០០នាក់មកដាក់ឲ្យស្នាក់នៅក្នុងសាលាក្រុងបាវិត នៅអធិការដ្ឋាននគបាលក្រុងបាវិតនិងអាគារកងរាជអាវុធហត្ថក្រុងបាវិតដើម្បីគ្រប់គ្រងនិងសាកសួរ។
លោកអភិបាលក្រុងបន្តទៀតថា នៅព្រឹកថ្ងៃទី២៥ មីនា ឆ្នាំ២០២០នេះសមត្ថកិច្ចនគបាលអន្តោប្រវេសន្ត៍ស្នងការដ្ឋាននគបាលខេត្តបានសហការជានគបាលអន្តោប្រវេសន៍ច្រកទ្វាព្រំដែនអន្តរជាតិសាកសួរនិងឲ្យមន្ត្រីសុខាភិបាលពិនិត្យនិងធ្វើចត្តាឡីសក័រហូតដល់ម៉ោង១១និង៣០នាទីព្រឹកនេះពុំទាន់រកឃើញមានសញ្ញាអ្វីគួរឲ្យសង្ស័យពាក់ព័ន្ធករណីវីរុសកូវីដ-១៩ទេ។
ចំពោះលទ្ធផលយ៉ាងណានោះ យើងមិនទាន់ទទួលបានជាផ្លូវការនោះទេ ដោយសមត្ថកិច្ចមិនអនុញ្ញាតឲ្យចូលសម្ភាសន៍ឬថតផ្តិតយករូបភាពជនជាតិចិន ឬសមត្ថកិច្ចនៅខាងក្នុងអគារសាលាក្រុងនិងទីតាំងទាំងបីនោះទេ ដោយដាក់ខ្សែពទ្ធ័ជុំវិញបរវេណទីតាំងទាំងបីចម្ងាយ៣០ម៉ែត្រពីរបង ។ ដោយសមត្ថកិច្ចកំពុងដាក់ជនជាតិទាំងនេះឲ្យនៅដោយឡែក និងកំពុងធ្វើការសូមរង់ចាំលទ្ធផលនៅពេលក្រោយ៕ (កែសម្រួលដោយ ៖ ធីតា)
ចែករំលែកព័តមាននេះ