YouTube នឹងកាត់បន្ថយគុណភាពនៃវីដេអូជុំវិញពិភពលោក ចាប់ពីថ្ងៃអង្គារ៍នេះ ដែលជាកិច្ចខិតខំប្រឹងប្រែងដោយគេហទំព័រវីដេអូដែលពេញនិយមបំផុតរបស់ពិភពលោក ដើម្បីសម្រួលចរាចរណ៍អ៊ីនធើរណេត ក្នុងកំឡុងពេលមានការផ្ទុះឡើងនៃវីរុសនេះ។ ក្រុមហ៊ុនបាននិយាយថា ក្នុងរយៈពេលប៉ុន្មានថ្ងៃខាងមុខនេះ អ្នកមើលនឹងឃើញវីដេអូ YouTube…
YouTube នឹងកាត់បន្ថយគុណភាពនៃវីដេអូជុំវិញពិភពលោក ចាប់ពីថ្ងៃអង្គារ៍នេះ ដែលជាកិច្ចខិតខំប្រឹងប្រែងដោយគេហទំព័រវីដេអូដែលពេញនិយមបំផុតរបស់ពិភពលោក ដើម្បីសម្រួលចរាចរណ៍អ៊ីនធើរណេត ក្នុងកំឡុងពេលមានការផ្ទុះឡើងនៃវីរុសនេះ។
ក្រុមហ៊ុនបាននិយាយថា ក្នុងរយៈពេលប៉ុន្មានថ្ងៃខាងមុខនេះ អ្នកមើលនឹងឃើញវីដេអូ YouTube ក្នុងកម្រិតស្តង់ដាកំណត់មួយ។ អ្នកប្រើប្រាស់នៅតែអាចមើលវីដេអូក្នុងកម្រិតគុណភាពខ្ពស់ទៅតាមចិត្ត តែគេត្រូវទៅកំណត់ដោយខ្លួនឯង។
គេហទំព័រ YouTube ដែលជាផ្នែកមួយនៃ Google របស់ Alphabet Inc កំពុងពង្រីកគោលនយោបាយ ដែលខ្លួនបានដាក់ចេញរួចហើយនៅ ដើម្បីកាត់បន្ថយការប្រើប្រាស់កម្រិតបញ្ជូនរបស់ពួកគេ។ ការប្រើប្រាស់សេវាកម្ម Stream បានកើនឡើងក្នុងប៉ុន្មានសប្តាហ៍ថ្មីៗនេះ នៅពេលដែលមនុស្សរាប់រយលាននាក់ស្នាក់នៅផ្ទះ ដើម្បីទប់ស្កាត់ការរីករាលដាលនៃវីរុស។ ក្រុមហ៊ុនបាននិយាយថា ខណៈពេលដែលការបើកមើល YouTube បានកើនឡើងខ្ពស់ជាប្រវត្តិសាស្ត្រនៅពេលល្ងាច នៅពេលមនុស្សឈប់សម្រាកការងារ ឥឡូវនេះការប្រើប្រាស់កាន់តែមានស្ថេរភាពពេញមួយថ្ងៃ។
YouTube បានកំណត់កម្រិតគុណភាពវីដេអូរួចហើយ ដោយផ្អែកលើភាពខ្លាំងនៃការភ្ជាប់អ៊ីនធើរណេតរបស់អ្នកប្រើប្រាស់។ YouTube មិនជឿថា ពិភពលោកនឹងអស់ល្បឿនអ៊ីនធើរណេតទេ ប៉ុន្តែនឹងចាត់វិធានការដើម្បីការពារក្តីកង្វល់ ដែលកំពុងកើនឡើងនៅថ្នាក់រដ្ឋាភិបាល៕ ដកស្រង់ចេញពីវេបសាយ ៖ thestar (កែសម្រួលដោយ ៖ បុប្ផា)
ចែករំលែកព័តមាននេះ