រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា ដំណាក់កាលនេះត្រូវតែធ្វើយ៉ាងណាទប់ស្កាត់ជំងឺកូវីដ១៩ ដោយធ្វើការព្យាបាលអ្នកឆ្លងជំងឺកូវីដនេះ កុំស្លាប់មនុស្សដូចបណ្តាប្រទេសមួយចំនួនឲ្យសោះ ។…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា ដំណាក់កាលនេះត្រូវតែធ្វើយ៉ាងណាទប់ស្កាត់ជំងឺកូវីដ១៩ ដោយធ្វើការព្យាបាលអ្នកឆ្លងជំងឺកូវីដនេះ កុំស្លាប់មនុស្សដូចបណ្តាប្រទេសមួយចំនួនឲ្យសោះ ។ ថ្លែងក្នុងជំនួបសំណេះសំណាលជាមួយគ្រូពេទ្យស្ម័គ្រចិត្តនាព្រឹក ថ្ងៃទី២៥ ខែមីនានេះ នៅវិមានសន្តិភាព ។
សម្តេចតេជោ បានបញ្ជាក់យ៉ាងដូច្នេះថា ក្នុងដំណាក់កាលនេះ យើងធ្វើការទប់ស្កាត់ធ្វើយ៉ាងណាកុំឲ្យអ្នកឆ្លងជំងឺកូវីដ១៩ រីករាលដាល និងទុកឲ្យស្លាប់ដូចជា ប្រទេសបារាំង អាមេរិក អីតាលី គឹត្រូវធ្វើយ៉ាងណាធ្វើការព្យាបាលគាត់ឲ្យជា ។ សម្តេចតេជោ បានបន្តថា ដំណាក់កាលនេះយើងត្រូវធ្វើការការពារឆ្លងពីខាងក្រៅប្រទេស ព្រោះថា ជំងឺនេះគ្មានការឆ្លងនៅក្នុងកន្លែងនោះទេ គឺសុទ្ធតែជំងឺនាំចូលទាំងអស់កើតលើពលរដ្ឋកម្ពុជា ។
សម្តេចបញ្ជាក់ថា ៖«ពេលនេះយើងឆ្លង៩៣ករណី ប៉ុន្តែយើងបានជា៤ករណី ដំណាក់កាលនេះ គឺយើងមានកិច្ច៣ត្រូវធ្វើការពារខាងក្រៅត្រូវបន្តការពារាលដាលអ្នកឆ្លង ហើយត្រូវការពារកុំឲ្យឆ្លងទៅអ្នកដទៃ និងត្រូវព្យាបាលអ្នកដែលឆ្លងនោះ គឺត្រូវព្យាបាលឲ្យជា ធ្វើម៉េចកុំស្លាប់ដូចអាមេរិក អីតាលី អេស្បាញ បារាំងអីញ្ចឹង»៕
ចែករំលែកព័តមាននេះ