ឧស្សាហកម្មផលិតយានយន្ត ក៏ដូចជាប្រទេសដទៃទៀតនៅលើពិភពលោកដែរ ត្រូវបានផ្អាកដំណើរការ ដោយសារការព្រួយបារម្ភអំពីការរីករាលដាលនៃមេរោគឆ្លងកូវីដ១៩។ រោងចក្រផលិតរថយន្តនៅអាមេរិកជាច្រើនបានផ្អាកផលិតកម្ម ខណៈផែនការលក់នៅអឺរ៉ុបទទួលរងឥទ្ធិពលយ៉ាងខ្លាំង។ រោងចក្ររថយន្ត Ferrari បានបិទប្រតិបត្តិការរបស់ខ្លួនទាំងស្រុង នៅ…
ឧស្សាហកម្មផលិតយានយន្ត ក៏ដូចជាប្រទេសដទៃទៀតនៅលើពិភពលោកដែរ ត្រូវបានផ្អាកដំណើរការ ដោយសារការព្រួយបារម្ភអំពីការរីករាលដាលនៃមេរោគឆ្លងកូវីដ១៩។ រោងចក្រផលិតរថយន្តនៅអាមេរិកជាច្រើនបានផ្អាកផលិតកម្ម ខណៈផែនការលក់នៅអឺរ៉ុបទទួលរងឥទ្ធិពលយ៉ាងខ្លាំង។ រោងចក្ររថយន្ត Ferrari បានបិទប្រតិបត្តិការរបស់ខ្លួនទាំងស្រុង នៅ Maranello និង Modena រហូតដល់ថ្ងៃទី២៧ ខែមីនាយ៉ាងឆាប់បំផុត។
ខណៈពេលដែលប្រទេសអុីតាលីមានករណីឆ្លងវីរុសវីរុស ២១០០០ករណីរួចទៅហើយ និងមានមនុស្សបាត់បង់ជីវិតជាង១៤៤១នាក់ ការសម្រេចចិត្តរបស់ក្រុមហ៊ុន Ferrari ដើម្បីបិទរោងចក្រនេះគឺមកពីបញ្ហាខ្សែសង្វាក់ផ្គត់ផ្គង់។ បើគ្មានគ្រឿងបន្លាស់ទេ ក្រុមហ៊ុនមិនអាចផលិតរថយន្តស្ព័រដូចជា Ferrari Roma និង SF90 Stradale បានទេ។ ក្រុមហ៊ុន Ferrari ច្បាស់ជាបាត់បង់ប្រាក់ចំណូលក្នុងកំឡុងពេលបិទទ្វារនេះ ប៉ុន្តែក្រុមហ៊ុនផលិតរថយន្តអុីតាលីប្តេជ្ញាជួយមនុស្សដែលរងផលប៉ះពាល់ពីការផ្ទុះឡើង។
គ្រួសារ Agnelli ដែលជាស្ថាបនិកដើមនៃក្រុមហ៊ុន Fiat និងជាម្ចាស់ក្រុមហ៊ុនរថយន្ត Ferrari បច្ចុប្បន្ន កំពុងធ្វើការជាមួយនាយកដ្ឋានការពារជនស៊ីវិលអុីតាលី ដើម្បីគាំទ្រសេវាកម្មសុខភាពជាតិអុីតាលី។ ក្រុមគ្រួសារនេះ បានផ្តល់អំណោយចំនួន ១០លានអឺរ៉ូ (ប្រហែល ១០.៦ លានដុល្លារ) ដែលនឹងឆ្ពោះទៅរកការជួយឆ្លើយតបទៅនឹងតម្រូវការសុខភាពនិងសង្គមក្នុងតំបន់នៅទីក្រុង Turin និង Piedmont។
ក្រៅពីការបរិច្ចាគហិរញ្ញវត្ថុ Fiat Chrysler Automobiles, Ferrari, និង CNH Industrial បានចាប់ដៃគូជាមួយក្រុមហ៊ុនខាងក្រៅ Ermenegildo Zegna និង Pesenti Group ដើម្បីទិញម៉ាស៊ីនជំនួយដង្ហើមសរុប១៥០គ្រឿង និងឧបករណ៍វេជ្ជសាស្ត្រផ្សេងៗទៀត។
ក្នុងពេលមានវិបត្តិវាពិតជាល្អណាស់ដែលឃើញក្រុមហ៊ុនដូចជាក្រុមហ៊ុនរថយន្ត Ferrari បោះជំហានទៅមុខ ដើម្បីជួយប្រជាជនដែលកំពុងខ្វះខាត។ នៅសហរដ្ឋអាមេរិក ក្រុមហ៊ុន Honda បានយល់ព្រមបង់ប្រាក់ឱ្យបុគ្គលិករបស់ខ្លួនក្នុងអំឡុងពេលបិទរោងចក្រ៕ (យោងតាមប្រភពពី carbuzz)
ចែករំលែកព័តមាននេះ