រាជធានីភ្នំពេញ ៖ សម្តេចតជោ ហ៊ុន សែន នាយករដ្ឋមន្ត្រីកម្ពុជា បានថ្លែងបញ្ជាក់ថា កម្ពុជានឹងមិនជម្លៀសនិស្សិតមកពីគ្រប់ប្រទេស ដើម្បីការពារនូវការឆ្លង និងការរីករាលដាលនៃវីរុសកូវីដ ១៩ ។
សម្តេចតេជោ បានថ្លែងបែបនេះ បន្ទាប់ពីមាននិស្សិតខ្មែរមួយចំនួនសិក្សានៅអាមេរិកបម្រុងនឹងចាកចេញពីអាមេរិកមកកាន់កម្ពុជា ដោយសម្តេចបានស្នើថា សូមនិស្សិតទាំងអស់នោះ កុំរត់ចោលរដ្ឋបាលលោក ដូណាល់ ត្រាំ ហើយ «ឲ្យទ្រាំបន្តិចទៅ ជាជាងនាំជំងឺមកគ្រួសារ» ។
ថ្លែងនៅក្នុងពិធីសំណេះសំណាល ជាមួយគ្រូពេទ្យស្ម័គ្រចិត្ត មុនចេញទៅព្យាបាលជំងឺកូវីដ១៩ នៅវិមានសន្តិភាពនៅព្រឹកថ្ងៃទី២៥ មីនា នេះ សម្តេចបានបញ្ជាក់យ៉ាងច្បាស់ថា និស្សិតសិក្សានៅវៀតណាម នៅថៃ នៅបារាំង ព្រមទាំងអាមេរិក ជារួមគឺគ្រប់ប្រទេសទាំងអស់នឹងមិនត្រូវបានជម្លៀសមកកាន់កម្ពុជាឡើយ ៕ (កែសម្រួលដោយ ៖ បុប្ផា)
ចែករំលែកព័តមាននេះ