ការរាតត្បាតនៃវីរុសកូវីដ-១៩ កំពុងតែបង្ខំឲ្យស្ថាប័នជំរុញពិភពលោកឲ្យពិចារណាឡើងវិញនូវអ្វីមួយដែលពោរពេញទៅដោយមេរោគតែមនុស្សប៉ះពាល់វាជារៀងរាល់ថ្ងៃ នោះគឺក្រដាសប្រាក់ ។
យោងតាមសារព័ត៌មាន Reuters បានឲ្យដឹងថា កាលពីថ្ងៃសុក្រកន្លងមក ធនាគារជាតិរបស់កូរ៉េខាងត្បូងបាននិយាយថាពួកគេបានប្រមូលក្រដាស់ប្រាក់ទាំងអស់ក្នុងរយៈពេលពីរសប្តាហ៍ និងដុតក្រដាសប្រាក់ខ្លះចោលផងដែរដើម្បីកាត់បន្ថយការរាតត្បាតនៃវីរុសនេះ ។ ប្រទេសនេះបានធ្វើតាមការផ្តួចផ្តើមរបស់ប្រទេសចិនក្នុងការលាងសម្អាតក្រដាសប្រាក់ដោយប្រើកម្តៅ និងដុតកម្ទេចខ្លះចោលផងដែរ ។
ជាមួយគ្នានេះផងដែរសារៈមន្ទីរ Loure នៅទីក្រុងប៉ារីសបានឈប់ទទួលយកក្រដាសប្រាក់ក្នុងកំឡុងពេលការរាតត្បាតនេះ ។ និន្នាការនេះបានជំរុញឲ្យមនុស្ស និងស្ថាប័នចាប់ផ្តើមងាកទៅប្រើប្រាស់សេវាកម្មបង់ប្រាក់តាមទូរស័ព្ទ និងបច្ចេកវិទ្យាដទៃទៀត ។
លោក ផល ម៉ាតវ៉េឡេ (Paul Matewale) ដែលជាសាស្ត្រាចារ្យផ្នែកអតិសុខុមជីវសាស្ត្រនៅសាកលវិទ្យាល័យ London Metropolitan University បានប្រាប់ដល់ CNN Busness ថា មេរោគ និងវីរុសពិតជាអាចរស់នៅលើក្រដាសប្រាក់ពិតមែន ។ អង្គការសុខភាពពិភពលោក (WHO) ផ្តល់ដំបូន្មានឲ្យមនុស្សលាងសម្អាតដៃបន្ទាប់ពីកាន់ក្រដាសប្រាក់ហើយ ជាពិសេសមុនពេលទទួលទានអាហារ ។ ជាមួយគ្នានេះដែរកាតក្រឌីតក៏មិនស្អាតជាងក្រដាសប្រាក់ប៉ុន្មានទេ ។
ក្នុងកំឡុងពេលផ្ទុះវីរុសដំបូង ប្រទេសចិន បានចាប់ផ្តើមប្រើសេវាកម្មទាំងនេះទៅហើយ ។ យោងទៅតាម eMarketer បានឲ្យដឹងថា ៥០% នៃប្រជាជនចិនប្រើប្រាស់សេវាកម្មបង់លុយតាមទូរស័ព្ទដៃដូចជា WeChat និង AliPay ជាដើម ។
ជាក់ស្តែងប្រជាជាជនក្នុងប្រទេសកម្ពុជា មិនអាចចៀសវាងការប្រើប្រាស់ក្រដាសប្រាក់បានទាំងស្រុងទេ ប៉ុន្តែមនុស្សម្នាក់ៗអាចចាប់ផ្តើមមានការប្រុងប្រយ័ត្នជាងមុនជាពិសេសបន្ទាប់ពីប៉ះពាល់ក្រដាសប្រាក់ហើយ ។ លើសពីនេះទៅទៀត អ្នកជំនាញបានផ្តល់ជាយោបល់ឲ្យឧស្សាហ៍លាងសម្អាតទូរស័ព្ទដៃដោយប្រើក្រណាត់អាល់កុលជូតសម្អាតផងដែរ ៕ (យោងតាមប្រភពពី CNN)
ចែករំលែកព័តមាននេះ