ខេត្តកោះកុង ៖ បើតាមសេចក្តីរាយការណ៍បឋមបានឱ្យដឹងថា ដើម្បីងាយស្រួលការពារ និងទប់ស្កាត់ការចម្លងមេរោគកូវីដ-១៩ (COVID-19) នៅច្រកទ្វារអន្តរជាតិចាំយា ម.ហាលិក ត្រូវបានភាគីថៃ ប្រកាសបិទមិនឲ្យមនុស្សឆ្លងកាត់ទៀតឡើយ…
ខេត្តកោះកុង ៖ បើតាមសេចក្តីរាយការណ៍បឋមបានឱ្យដឹងថា ដើម្បីងាយស្រួលការពារ និងទប់ស្កាត់ការចម្លងមេរោគកូវីដ-១៩ (COVID-19) នៅច្រកទ្វារអន្តរជាតិចាំយា ម.ហាលិក ត្រូវបានភាគីថៃ ប្រកាសបិទមិនឲ្យមនុស្សឆ្លងកាត់ទៀតឡើយ នៅថ្ងៃទី២២ ខែមីនា ឆ្នាំ២០២០ នេះ ដើម្បីការពារការីករាលដាលជំងឺឆ្លងកូវីដ-១៩ (COVID19) ។
លោក សុវណ្ណ ប៊ុនធឿន ប្រធានទីស្នាក់ការច្រកទ្វារអន្តរជាតិ បានឲ្យដឹងថា ច្រកទ្វារអន្តរជាតិចាំយាម.ហាលិក ភាគីថៃគ្រោងនឹងបិទនៅព្រឹកនេះ ក៏ប៉ុន្តែដោយពលរដ្ឋខ្មែរយើងពុំទាន់ធ្វើដំណើរចេញអស់ ដោយមានពលរដ្ឋខ្លះនៅពិនិត្យសុខភាពនៅប្រទេសថៃ ទើបភាគីថៃ ស្នើសុំរាជរដ្ឋាភិបាលថៃ សុំលើកកាបិទនៅវេលាម៉ោង១០និង០០នាទីយប់ ថ្ងៃទី២២ ខែមីនា ឆ្នាំ២០២០ នេះវិញ ។
លោកបានបញ្ជាក់ឱ្យដឹងថា ដោយឡែក រថយន្តដឹកទំនិញចេញ-ចូលជាធម្មតា ហើយការនាំទំនិញចេញចូលមានមនុស្សតែម្នាក់គត់ មិនឲ្យមាន២នាក់ឡើយ ដើម្បីងាយស្រួលក្នុងការត្រួតពិនិត្យកូវីដ-COVID១៩ ។
ហើយចំពោះការបិទច្រកចាំយាមនេះទៀត សោតយើងពុំទាន់បានទទួលរបាយការណ៍ជាក់លាក់ពីថ្ងៃខែកំណត់ដែលត្រូវបើកវិញនៅឡើយទេ។ ហើយបច្ចុប្បន្ន ផ្នែកសុខាភិបាល បានយកចិត្តទុកដាក់យ៉ាងម៉ត់ចត់បំផុត ចំពោះមេរោគកូវីដ-១៩ នេះ ៕ ដោយសំបូរ (កែសម្រួលដោយ ៖ បុប្ផា)
ចែករំលែកព័តមាននេះ