រាជធានីភ្នំពេញ ៖ យោងប្រភពពីស្ថានទូតចិនប្រចាំកម្ពុជាបានឱ្យដឹងថា កាលពីរសៀលថ្ងៃទី២៣ មីនា ក្រុមអ្នកជំនាញវេជ្ជសាស្ត្រចិនពេលមកដល់រាជធានីភ្នំពេញភ្លាម ក៏បានបើកកិច្ចប្រជុំការងារជាមួយលោកសាស្ត្រចារ្យវេជ្ជបណ្ឌិត ម៉ម ប៊ុនហេង រដ្ឋមន្ត្រីនៃក្រសួងសុខាភិបាល ដែលប្រព្រឹត្តទៅនៅក្នុងក្រសួងសុខា
ភិបាលកម្ពុជា ។ តាមលោកសាស្ត្រចារ្យក៏បានណែនាំអំពីគោលនយោបាយ និងវិធានការទប់ស្កាត់ជំងឺវីរុសCOVID-19របស់រាជរដ្ឋាភិបាលកម្ពុជា និងព្រមទាំងបានណែនាំអំពីស្ថានភាពបច្ចុប្បន្ននៃជំងឺវីរុសក្នុងប្រទេសកម្ពុជា។ សូមរំលឹកថា៖ វត្តមានគ្រូពេទ្យស្ម័គ្រចិត្តចិនទាំង៧មកដល់កម្ពុជា ទទួលស្វាគមន៍យ៉ាងកក់ក្តៅ
ក្រុមអ្នកជំនាញវេជ្ជសាស្ត្រចិនមានប្រសាសន៍ថា មនោសញ្ចេតនារវាងចិននិងកម្ពុជា ប្រៀបដូចបងប្អូន គឺជាសហគមន៍ជោគវាសនារួម ដែលមិនអាចបំបែកបាននោះឡើយ ។ ស្ថិតក្នុងស្ថានភាពដ៏សំខាន់នេះ ក្រុមអ្នកជំនាញវេជ្ជសាស្ត្រចិន ដែលត្រូវបានចាត់តាំងដោយរដ្ឋាភិបាលចិន ក្នុងការជួយទប់ស្កាត់ជំងឺវីរុសនៅក្នុងប្រទេសកម្ពុជា សមាជិកនីមួយៗមានទំនួលខុសត្រូវខ្ពស់ និងបេសកកម្មដ៏ឧដុង្គឧត្តម។
យើងទាំងអស់គ្នានឹងធ្វើការកែសម្រួលផែនការការងារ ប្រកបដោយភាពទាន់ពេលវេលា និងចំចំណុចគោលដៅ ដោយផ្អែកលើដំណឹងព័ត៌មានថ្មីៗ ដែលរាយការណ៍ជូនដោយភាគីកម្ពុជា ដើម្បីផ្តល់ជាភាពងាយស្រួលក្នុងការប្រយុទ្ធប្រឆាំង និងទប់ស្កាត់ជាមួយនឹងជម្ងឺវីរុសCOVID-19 និងព្រមទាំងផ្តល់ជាយោបល់ប្រកបដោយភាពណែនាំក្នុងកិច្ចព្យាបាលអ្នកជំងឺ។
ចែករំលែកព័តមាននេះ