មនោសញ្ចេតនា​ចិន និង​កម្ពុជា​ប្រៀប​ដូច​បងប្អូន គឺជា​សហគមន៍​ជោគ វាសនា​រួមមិន​អាច​បំបែក​បាន


រាជធានី​ភ្នំពេញ ៖ កាលពី​រសៀល​ថ្ងៃ​ទី​២៣ ខែមីនា ឆ្នាំ​២០២០ ក្រុម​អ្នកជំនាញ​វេជ្ជសាស្ត្រ​ចិន មក​ដល់​រាជធានី​ភ្នំពេញ​ភ្លាម​ក៏​បាន​អញ្ជើញ​មាន​កិច្ចប្រជុំ​ការងារ​ជាមួយ​ឯកឧត្តម​សាស្ត្រ​ចា​រ្យ​វេជ្ជបណ្ឌិត ម៉​ម ប៊ុ​ន​ហេង រដ្ឋមន្ត្រី​នៃ​ក្រសួងសុខាភិបាល ដែល​ប្រព្រឹត្ត​ទៅ​នៅ​ក្នុង​ក្រសួងសុខាភិបាល​កម្ពុជា ។ នេះ​បើ​យោង​តាម​ទូរទស្សន៍​ជាតិ​កម្ពុជា ទ​ទក ចេញផ្សាយមុននេះ ។

លោក​ឧត្តម​សាស្ត្រ​ចា​រ្យ បាន​ណែនាំ​អំពី​គោលនយោបាយ និង​វិធានការ​ទប់ស្កាត់​ជំងឺ​វីរុស COVID-19 របស់​រាជរដ្ឋាភិបាល​កម្ពុជា និង​ព្រមទាំង​បាន​ណែនាំ​អំពី​ស្ថានភាព​បច្ចុប្បន្ន នៃ​ជំងឺ​វីរុស​ក្នុង​ប្រទេស​កម្ពុជា ។

ក្រុម​អ្នកជំនាញ​វេជ្ជសាស្ត្រ​ចិន​មាន​ប្រសាសន៍​ថា « មនោសញ្ចេតនា​រវាង​ចិន និង​កម្ពុជា​ប្រៀប​ដូច​បងប្អូន គឺជា​សហគមន៍​ជោគវាសនា​រួម ដែល​មិន​អាច​បំបែក​បាន​នោះ​ឡើយ​»​។ ស្ថិត​ក្នុង​ស្ថានភាព​ដ៏​សំខាន់​នេះ​ក្រុម​អ្នកជំនាញ​វេជ្ជសាស្ត្រ​ចិន ដែល​ត្រូវ​បាន​ចាត់តាំង​ដោយ​រដ្ឋាភិបាល​ចិន​ក្នុង​ការ​ជួយ​ទប់ស្កាត់​ជំងឺ​វីរុស​នៅ​ក្នុង​ប្រទេស​កម្ពុជា សមាជិក​នីមួយ​ៗ​មាន​ទំនួល​ខុស​ត្រូវ​ខ្ពស់ និង​បេសកកម្ម​ដ៏​ឧដុង្គឧត្តម ។

យើង​ទាំងអស់​គ្នា​នឹង​ធ្វើការ​កែសម្រួល​ផែនការ​ការងារ​ប្រកបដោយ​ភាព​ទាន់​ពេលវេលា និង​ចំ​ចំណុច​គោលដៅ​ដោយ​ផ្អែក​លើ​ដំណឹង​ព័ត៌មាន​ថ្មី​ៗ ដែល​រាយការណ៍​ជូន​ដោយ​ភាគី​កម្ពុជា ដើម្បី​ផ្តល់​ជា​ភាព​ងាយស្រួល​ក្នុង​ការ​ប្រយុទ្ធ​ប្រឆាំង និង​ទប់ស្កាត់​ជាមួយនឹង​ជំងឺ​វីរុស COVID-19 និង​ព្រមទាំង​ផ្តល់​ជា​យោបល់​ប្រកបដោយ​ភាព​ណែនាំ​ក្នុង​កិច្ច​ព្យាបាល​អ្នកជំងឺ ៕

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ