ខេត្តត្បួងឃ្មុំ៖ យោងតាមប្រភពពីសាសាខេត្តត្បូងឃ្មុំបានឲ្យដឹងថា បុរសជនជាតិខ្មែរ២នាក់ក្នុងចំណោម ៤ នាក់ដែលរកឃើញផ្ទុកវីរុសកូវីដ ១៩ ពេលនេះត្រូវបានព្យាបាលឲ្យជាសះស្បើយហើយ ដែលនេះចាត់ទុកជាដំណឹងល្អមួយសម្រាប់ប្រទេសកម្ពុជា ដែលគិតមកដល់ថ្ងៃទី ២៤ខែមីនា គឺមានអ្នកផ្ទុកកូវីដ ១៩ សរុប ៤ នាក់ហើយ ក្នុងចំណោមអ្នកផ្ទុកសរុប ៨៧ នាក់ «ត្រូវបានព្យាបាលឲ្យជាសះស្បើយ» ។
សេចក្តីប្រកាសព័ត៌មានរបស់សាលាខេត្តត្បូងឃ្មុំចុះថ្ងៃទី ២៤ ខែមីនា នេះបានឲ្យដឹងថាបុរសជនជាតិខ្មែរ វ័យ ៥៦ ឆ្នាំមកពីស្រុកពញាក្រែក និងបុរសម្នាក់ទៀតវ័យ ៥៣ ឆ្នាំមកពីស្រុកក្រូចឆ្មារ ទទួលបានលទ្ធផលតេស្តពីវិទ្យាស្ថានប៉ាស្ទ័រកម្ពុជា គឺ អវិជ្ជមាន (មិនមានផ្ទុកមេរោគកូវីដ ១៩ បានជាសះស្បើយ) ចំនួន ២ លើក ។
លិខិតដដែលបានបញ្ជាក់ថា «បច្ចុប្បន្ន ក្រុមគ្រូពេទ្យជំនាញបានអនុញ្ញាតឲ្យពួកគាត់វិលត្រលប់ទៅគេហដ្ឋានរបស់ខ្លួនវិញហើយ» ៕
ចែករំលែកព័តមាននេះ