រាជធានីភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានអះអាងថា ចិនជោគជ័យក្នុងការរីករាលដាលជំងឺកូវីដ១៩ ដោយសារការបង្ខាំងមនុស្សមិនឲ្យធ្វើដំណើរ និងប្រើថ្នាំ។ ថ្លែងក្នុងពិធីជួបសំណេះសំណាលជាមួយមន្ត្រីនគរបាលអន្តោប្រវេសន៍ នៅអាកាសយានដ្ឋានអន្តរជាតិភ្នំពេញ នាថ្ងៃទី២៤ ខែមីនា ឆ្នាំ២០២០ សម្តេច ស ខេង ក៏បានលើកឡើងថា ប្រទេសជិត១៧០ បានឆ្លងជំងឺកូវីដ១៩ រាប់ទាំងប្រទេសកម្ពុជា និងសម្លាប់ជីវិតមួយជាង៣ម៉ឺននាក់ហើយ។
ជាក់ស្តែងគិតពីម៉ោង៦ល្ងាចមិញ ដល់ម៉ោង៦ព្រឹកនេះ មានអ្នកឆ្លងមេរោគកូវីដ១៩នេះរហូតដល់៤១៣៥៧នាក់ ដែលជាចំនួនច្រើន ។ ក្នុងរយៈពេល២៤ម៉ោង ធ្វើឲ្យមនុស្សបាត់បង់ជីវិត ចំនួន១៧៣៧១នាក់ ហើយថ្ងៃខ្លះកើនជាងនេះ។
ជាមួយគ្នានោះដែរ សម្តេច ស ខេង ក៏បានលើកឡើងថា តាមការស្រាវជ្រាវរបស់អ្នកវិទ្យាសាស្ត្រ និងអ្នកសារព័ត៌មាន បានធ្វើការស៊ើបអង្កេតចំពោះដើមកំណើតរបស់វីរុសនេះ មានលក្ខខណៈខុសគ្នា ។
នៅពេលនេះជំងឺនេះ មានភាពខ្លាំងក្លាមិនមែននៅប្រទេសចិន ក្នុងទីក្រុងវ៉ូហាន នោះទេ គឺនៅប្រទេសអឺរ៉ុបវិញ ពិសេសនោះប្រទេសអ៊ីតាលី អេស្បាញ បារាំង អង់គ្លេស ស្វីស និងបណ្តាប្រទេសផ្សេងទៀតជាដើម។ល ។
សម្តេចបន្ថែមថា ជំងឺនេះ គឺជាជំងឺថ្មីមួយប្រទេស ដែលកើតភ្លាមមិនទាន់មានថ្នាំវ៉ាក់សាំងចាក់ការពារភ្លាមនោះទេ ប៉ុន្តែឥឡូវនេះ បណ្តាប្រទេសធំៗបានកំពុងធ្វើការស្វែងរកវ៉ាក់សាំង ដើម្បីព្យាបាលនឹងជំងឺនេះហើយ។ ជាក់ស្តែងនោះ នៅប្រទេសចិនបានធ្វើការព្យាបាល និងធ្វើការទប់ស្កាត់ការរីករាលដាលជំងឺនេះបានជោគជ័យហើយ។
សម្តេចបញ្ជាក់ថា ៖ «គេជោគជ័យមកពីថ្នាំនេះ ថ្នាំនោះ ហើយមូលហេតុសំខាន់នោះ គឺការបង្ខាំងមនុស្សនៅក្នុងផ្ទះ ដោយមិនអនុញ្ញាតចេញដើរពីផ្ទះ មិនឲ្យប៉ះពាល់គ្នា ។
ប៉ុន្តែប្រទេសខ្លះទៀត ពេលរដ្ឋាភិបាលអំពាវនាវ ហាមគេមិនគោរព ដោយគេនៅតែដើរចេញក្រៅ ទៅកន្លែងកម្សាន្ត ធ្វើឲ្យជំងឺនេះរីករាដាលតែម្តង។ ជំងឺនេះ មិនត្រឹមត្រូវតែសម្លាប់មនុស្សទេ វាក៏បានសម្លាប់សេដ្ឋកិច្ចសង្គមទៀតផង»៕ (កែសម្រួលដោយ ៖ បុប្ផា)
ចែករំលែកព័តមាននេះ