អង្គការសុខភាពពិភពលោក៖ ក្នុងសន្និសីទសារព័ត៌មានមួយនាទីក្រុងហ្សុឺណែវ អគ្គនាយកនៃអង្គការសុខភាពពិភពWHO លោកTEDROS GHEBREYESUS ថ្លែងនាថ្ងៃទី២៣មីនាថា ចំនួនអ្នកឆ្លងវីរុសCOVID-19នៅលើពិភពលោកពេលនេះបានកើនដល់ជាង៣០០.០០០នាក់ហើយ។
ប្រមុខWHOគូសបញ្ជាក់ថា បច្ចុប្បន្នចំនួនអ្នកឆ្លងវីរុសនេះ បានកើនដល់ជាង៣០០.០០០នាក់ ដែលនោះជាតួលេខបញ្ជូនមកពីស្ទើរគ្រប់ប្រទេសទាំងអស់នៃពិភពលោក។ លោកបញ្ជាក់ថាការឆ្លងមានសភាពលឿនបំផុត។ ៦៧ថ្ងៃក្រោយលេចអ្នកឆ្លងដំបូងមានអ្នកឆ្លង១០០.០០០នាក់ ១១ថ្ងៃបន្ទាប់ពីនេះមានអ្នកឆ្លង១០០.០០០នាក់ទៀត រួចត្រឹមតែ៤ថ្ងៃបន្ទាប់ពីនោះមានអ្នកឆ្លងថែម១០០.០០០នាក់ទៀត។
ទោះបីយ៉ាងណាលោកគូសបញ្ជាក់ថា យើងពុំមែនជាចំណាប់ខ្មាំងនៃស្ថិតិនោះឡើយ ដោយលោកលើកពីលទ្ធភាពនៃការផ្លាស់ប្ដូរទិសដៅនៃការឆ្លង។ ដោយយល់ស្របថាសំណើឲ្យមនុស្សទាំងឡាយស្ថិតនៅក្នុងផ្ទះ ចៀសវាងចេញក្រៅ ព្រមទាំងវិធានការដទៃៗទៀត ដើម្បីឲ្យមនុស្សស្ថិតនៅឃ្លាតពីគ្នា គឺសំដៅទប់ការឆ្លងរាលដាលនៃវីរុស ហើយឲ្យបានចំណេញពេល។
លោកគូសបញ្ជាក់ទៀតថា បណ្ដាវិធានការដែលចាត់ ដើម្បីទប់ការឆ្លងអាចមានបណ្ដាផលវិបាកដែលមិនអាចទាយទុកមុន ដូចជានាំឲ្យមានការខ្វះបណ្ដាឧបករណ៍ការពារចាំបាច់ជាដើម។ លោកបន្តថា ការចាកចេញពីវិបត្តិនេះ ចាំបាច់ឲ្យមានការសន្យានិងការសម្របសម្រួលខាងនយោបាយ ក្នុងកម្រិតពិភពលោក។
ចែករំលែកព័តមាននេះ