ខេត្តសៀមរាប ៖ នៅរសៀលថ្ងៃទី២៣ ខែមីនា ឆ្នាំ២០២០នេះ ប្រធានមន្ទីរសុខាភិបាលខេត្តសៀមរាប បានអះអាងថា បុរសជនជាតិខ្មែរម្នាក់ ដែលបានឆ្លងមេរោគពីបុរសជនជាតិជប៉ុនកន្លងទៅ ឥឡូវនេះត្រូវបានធ្វើតេស្ត…
ខេត្តសៀមរាប ៖ នៅរសៀលថ្ងៃទី២៣ ខែមីនា ឆ្នាំ២០២០នេះ ប្រធានមន្ទីរសុខាភិបាលខេត្តសៀមរាប បានអះអាងថា បុរសជនជាតិខ្មែរម្នាក់ ដែលបានឆ្លងមេរោគពីបុរសជនជាតិជប៉ុនកន្លងទៅ ឥឡូវនេះត្រូវបានធ្វើតេស្ត ចំនួន ៧ដងហើយ ជាលទ្ធផលបង្ហាញថា មានផ្ទុកវីរុស ដដែល ប៉ុន្តែមានតិចទេ ។
លោកវេជ្ជបណ្ឌិត ក្រុស សារ៉ាត ប្រធានមន្ទីរសុខាភិបាលខេត្តសៀមរាប បានឱ្យដឹងនៅព្រឹកថ្ងៃទី២៣ ខែមីនា ឆ្នាំ២០២០នេះថា រហូតមកដល់បច្ចុប្បន្ននេះ សភាពអ្នកផ្ទុកកូវីដ១៩ ចំនួន២នាក់ នៅខេត្តសៀមរាប មានសុខភាពធម្មតា (ជនជាតិខ្មែរម្នាក់ទៀតដែលបានឆ្លងមេរោគកូវីដ១៩ បន្ទាប់ពីត្រឡប់មកពីប្រទេសម៉ាឡេស៊ី) ។
លោកវេជ្ជបណ្ឌិត បានបញ្ជាក់ថា «ចំពោះករណីបុរសជនជាតិខ្មែរ អាយុ៣៨ឆ្នាំ ដែលបានឆ្លងពីបុរសជនជាតិជប៉ុនកន្លងទៅនេះ គឺបានធ្វើតេស្ត ចំនួន៧ដងហើយ ជាលទ្ធផលគឺនៅតែ វិជ្ជមាន មេរោគកូវីដ១៩ ប៉ុន្តែមេរោគនៅមានចំនួនតិច» ។
លោកប្រធានមន្ទីរសុខាភិបាលខេត្តសៀមរាប សង្ឃឹមថា នឹងអវិជ្ជមាននៅក្នុងពេលដ៏ឆាប់ខាងមុខនេះ ។
គួរជម្រាបថា បុរសជនជាតិខ្មែរដែលមានអាយុ៣៨ឆ្នាំរូបនេះ បានឆ្លងមេរោគកូវីដ១៩ពីបុរសជនជាតិជប៉ុន បន្ទាប់ពីលទ្ធផលធ្វើតេស្តនៅវិទ្យាស្ថានប៉ាស្ទ័រ បានបញ្ជាក់កាលពីវេលាម៉ោង១២ថ្ងៃត្រង់ ថ្ងៃទី ០៧ មីនា ថា វិជ្ជមាន COVID-19 ។ បច្ចុប្បន្ន អ្នកជំងឺរូបនេះ ត្រូវបានគេដាក់ឲ្យនៅដាច់ដោយឡែក ដើម្បីទទួលការព្យាបាលពីក្រុមគ្រូពេទ្យនៅមន្ទីរពេទ្យបង្អែកខេត្តសៀមរាប ៕
ចែករំលែកព័តមាននេះ