ប្រទេសកូរ៉េខាងត្បូង ៖ យោងតាមYONHAPថា កូរ៉េខាងត្បូងរាយការណ៍នាថ្ងៃទី២៣មីនា ពីតួលេខប្រចាំថៃ្ងដែលទាបបំផុតនៃចំនួនអ្នកឆ្លងថ្មី នៃវីរុសCOVID-19ចាប់តាំងពីដំណាច់ខែមុនមក ខណៈប្រទេសនោះបានពង្រឹងបែបបទនៃការដាក់មនុស្សនៅដាច់ពីគ្នា ដើម្បីទប់ស្កាត់ការឆ្លង។ មានអ្នកឆ្លងថ្មីតែ៦៤នាក់ប៉ុណ្ណោះកត់សម្គាល់ឃើញនាថ្ងៃទី២២មីនា នាំឲ្យចំនួនសរុបនៃអ្នកឆ្លងវីរុស…
ប្រទេសកូរ៉េខាងត្បូង ៖ យោងតាមYONHAPថា កូរ៉េខាងត្បូងរាយការណ៍នាថ្ងៃទី២៣មីនា ពីតួលេខប្រចាំថៃ្ងដែលទាបបំផុតនៃចំនួនអ្នកឆ្លងថ្មី នៃវីរុសCOVID-19ចាប់តាំងពីដំណាច់ខែមុនមក ខណៈប្រទេសនោះបានពង្រឹងបែបបទនៃការដាក់មនុស្សនៅដាច់ពីគ្នា ដើម្បីទប់ស្កាត់ការឆ្លង។ មានអ្នកឆ្លងថ្មីតែ៦៤នាក់ប៉ុណ្ណោះកត់សម្គាល់ឃើញនាថ្ងៃទី២២មីនា នាំឲ្យចំនួនសរុបនៃអ្នកឆ្លងវីរុស ក្នុងប្រទេសឡើងដល់៨.៩៦១នាក់។
នេះបើតាមសេចក្ដីរាយការណ៏របស់មជ្ឈមណ្ឌលត្រួតពិនិត្យនិងបង្ការជំងឺកូរ៉េខាងត្បូង។ ចំនួនអ្នកឆ្លងថ្មីប្រចាំថៃ្ងពិតជាធ្លាក់ចុះថយនៅក្រោម១០០នាក់ សម្រាប់រយៈពេល២ថ្ងៃជាប់គ្នា ហើយចំនួនអ្នកឆ្លងថ្មីរាយការណ៍នាថ្ងៃទី២៣មីនា បង្ហាញការចុះថយមកនៅទាបបំផុត ចាប់តាំងពីចំនួនអ្នកឆ្លងឡើងដល់ចំណុចកំពូលដល់៩០៩នាក់កាលពីថ្ងៃទី២៩កុម្ភៈ។
រហូតមកទល់ពេលនេះចំនួនអ្នកបាត់បង់ជីវិតមាន១១១នាក់ ភាគច្រើនជាមនុស្សចាស់មានជំងឺប្រចាំកាយស្រាប់។ ក្នុងចំណោមអ្នកឆ្លងថ្មីទាំង៦៤នាក់ ២៤នាក់នៅទីក្រុងDAEGU ប្រភពសំខាន់មួយនៃការឆ្លង៕ ដកស្រង់ចេញពីវេបសាយ ៖ yna (កែសម្រួលដោយ ៖ បុប្ផា)
ចែករំលែកព័តមាននេះ