ប្រទេសចិន៖ អាជ្ញាធរសុខាភិបាលចិនថ្លែងនាថ្ងៃទី២៣ មីនា នេះថា ពុំមានអ្នកឆ្លងវីរុសCOVID-19ថ្មីណាម្នាក់ឡើយត្រឹមថ្ងៃទី២២ មីនា នៅចិនដីគោក ។
គណៈកម្មាធិការសុខាភិបាលជាតិចិននាថ្ងៃទី២៣ មីនា ទទួលរបាយការណ៍ដែលរៀបរាប់ពីអ្នកឆ្លងថ្មី៣៩នាក់ក្នុងថ្ងៃទី២២មីនា នៅចិនដីគោកដែលអ្នកទាំងនេះសុទ្ធតែជាអ្នកឆ្លងមកពីក្រៅប្រទេស ដែលជាករណីនាំចូល ។
ក្នុងចំណោមអ្នកឆ្លងនាំចូលទាំងនេះ ១០នាក់នៅក្រុងប៉េកាំង ១០នាក់នៅក្រុងសៀងហៃ ៦នាក់នៅខេត្តហ្វូជាន ៦នាក់នៅខេត្តក្វាងទុង ២នាក់នៅខេត្តសានដុង ២នាក់នៅខេត្តហ្គានស៊ូ ម្នាក់នៅខេត្តហ្សេយ៉ាង ម្នាក់នៅខេត្តហឺុណាន ម្នាក់នៅក្រុងចុងគីញ ។
យោងតាមតុល្យការថ្ងៃទី២២ មីនា ថា នៅចិនដីគោក មានអ្នកស្លាប់៩នាក់ ដែលសុទ្ធតែនៅខេត្តហ៊ុបីុ។ ថ្ងៃទី២២ មីនា មនុស្ស៤៥៩នាក់បានចាកចេញពីមន្ទីរពេទ្យក្រោយជាសះស្បើយ ។ ចំនួនសរុបនៃអ្នកឆ្លងវីរុសនៅចិនដីគោក មានដល់៨១.០៩៣នាក់ ក្នុងនោះអ្នកជំងឺ៥.១២០នាក់ស្ថិតក្នុងមន្ទីរពេទ្យ។ សរុបអ្នកជំងឺ៧២.៧០៣នាក់ បានជាសះស្បើយចាកចេញពីមន្ទីរពេទ្យ ហើយមនុស្ស៣.២៧០នាក់ស្លាប់។
គិតមកដល់ចុងថ្ងៃទី២២ មីនា នៅក្រុងហុងកុងមានអ្នកឆ្លង៣១៧នាក់ ក្នុងនោះ៤នាក់ស្លាប់ រួចនៅម៉ាកាវ មានអ្នកឆ្លង២១នាក់ ហើយនៅតៃវ៉ាន់មានអ្នកឆ្លង១៦៩នាក់ ក្នុងនោះស្លាប់២នាក់៕
ចែករំលែកព័តមាននេះ