នៅចិនដីគោក ពុំអ្នកឆ្លងវីរុស COVID-19 ថ្មី ក្នុងស្រុកណាម្នាក់ឡើយ
ប្រទេសចិន ៖ អាជ្ញាធរសុខាភិបាលចិនថ្លែង នាថ្ងៃទី២៣ ខែមីនា ឆ្នាំ២០២០ថា ពុំមានអ្នកឆ្លងវីរុស COVID-19 ថ្មីណាម្នាក់ឡើយ នាថ្ងៃទី២២…
ប្រទេសចិន ៖ អាជ្ញាធរសុខាភិបាលចិនថ្លែង នាថ្ងៃទី២៣ ខែមីនា ឆ្នាំ២០២០ថា ពុំមានអ្នកឆ្លងវីរុស COVID-19 ថ្មីណាម្នាក់ឡើយ នាថ្ងៃទី២២…
ប្រទេសចិន ៖ អាជ្ញាធរសុខាភិបាលចិនថ្លែង នាថ្ងៃទី២៣ ខែមីនា ឆ្នាំ២០២០ថា ពុំមានអ្នកឆ្លងវីរុស COVID-19 ថ្មីណាម្នាក់ឡើយ នាថ្ងៃទី២២ ខែមីនា ឆ្នាំ២០២០ នៅចិនដីគោក។
គណៈកម្មាធិការសុខាភិបាលជាតិចិន នាថ្ងៃទី២៣ ខែមីនា ទទួលរបាយការណ៍ដែលរៀបរាប់ពីអ្នកឆ្លងថ្មី៣៩នាក់ ក្នុងថ្ងៃទី២២ ខែមីនា នៅចិនដីគោក ដែលអ្នកទាំងនេះសុទ្ធតែជាអ្នកឆ្លងមកពីក្រៅប្រទេស ដែលជាករណីនាំចូល។ ក្នុងចំណោមអ្នកឆ្លងនាំចូលទាំងនេះ ១០នាក់នៅក្រុងប៉េកាំង ១០នាក់ នៅក្រុងសៀងហៃ ៦នាក់នៅខេត្តហ្វូជាន ៦នាក់នៅខេត្តក្វាងទុង ២នាក់នៅខេត្តសានដុង ២នាក់ នៅខេត្តហ្គានស៊ូ ម្នាក់នៅខេត្តហ្សេយ៉ាង ម្នាក់នៅខេត្តហ៊ឺណាន ម្នាក់នៅក្រុងចុងគីញ។ មកដល់ចុងថ្ងៃទី២២មីនា ចំនួនអ្នកឆ្លងនាំចូលសរុបមកចិនដីគោកមានដល់៣៥៣នាក់។
យោងតាមតុល្យការថ្ងៃទី២២ មីនាថា នៅចិនដីគោកមានអ្នកបាត់បង់ជីវិត៩នាក់ ដែលសុទ្ធតែនៅខេត្តហ៊ុប៉ី។ ថ្ងៃទី២២ ខែមីនា ដែរ មនុស្ស៤៥៩នាក់បានចាកចេញពីមន្ទីរពេទ្យ ក្រោយជាសះស្បើយ។ ចំនួនសរុបនៃអ្នកឆ្លងវីរុសនៅចិនដីគោកមានដល់៨១.០៩៣នាក់ ក្នុងនោះអ្នកជំងឺ៥.១២០នាក់ ស្ថិតក្នុងមន្ទីរពេទ្យ។ សរុបអ្នកជំងឺ៧២.៧០៣នាក់បានជាសះស្បើយចាកចេញពីមន្ទីរពេទ្យ ហើយមនុស្ស៣.២៧០នាក់បាត់បង់ជីវិត។
គិតមកដល់ចុងថ្ងៃទី២២ មីនា នៅក្រុងហុងកុងមានអ្នកឆ្លង៣១៧នាក់ក្នុងនោះ៤នាក់បាត់បង់ជីវិត រួចនៅម៉ាកាវ មានអ្នកឆ្លង២១នាក់ហើយនៅតៃវ៉ាន់មានអ្នកឆ្លង១៦៩នាក់ ក្នុងនោះបាត់បង់ជីវិត២នាក់៕ ដកស្រង់ចេញពីវេបសាយ ៖ xinhuanet (កែសម្រួលដោយ ៖ បុប្ផា)
ចែករំលែកព័តមាននេះ