រាជធានីភ្នំពេញ ៖ ទោះបីជាមានបណ្តាខេត្តមួយចំនួនមានទឹកស្រោចស្រពសម្រាប់ដាំដំណាំ ពិសេសធ្វើស្រូវក្តីក៏នៅតាមបណ្តាខេត្តថ្មីៗដែលទើបបង្កើតបានប្រឈមនឹងការខ្វះទឹកប្រើប្រាស់ផងដែរ ។ នេះបើតាមការបញ្ជាក់របស់អ្នកនាំពាក្យក្រសួងធនធានទឹក និងឧតុនិយម ។ ថ្លែងក្នុងសន្និសីទសារព័ត៌មានស្ដីពី «វឌ្ឍនភាព…
រាជធានីភ្នំពេញ ៖ ទោះបីជាមានបណ្តាខេត្តមួយចំនួនមានទឹកស្រោចស្រពសម្រាប់ដាំដំណាំ ពិសេសធ្វើស្រូវក្តីក៏នៅតាមបណ្តាខេត្តថ្មីៗដែលទើបបង្កើតបានប្រឈមនឹងការខ្វះទឹកប្រើប្រាស់ផងដែរ ។ នេះបើតាមការបញ្ជាក់របស់អ្នកនាំពាក្យក្រសួងធនធានទឹក និងឧតុនិយម ។ ថ្លែងក្នុងសន្និសីទសារព័ត៌មានស្ដីពី «វឌ្ឍនភាព និងទិសដៅការងារបន្ដរបស់ក្រសួងធនធានទឹក និងឧតុនិយម» ថ្ងៃទី២៣ ខែមីនានេះ ។
លោក ចាន់ យុត្ថា រដ្ឋលេខាធិការ និងជាអ្នកនាំពាក្យ ក្រសួងធនធានទឹក និងឧតុនិយមអះអាងថា នៅក្នុងគោលការណ៍របស់ក្រសួងធនធានទឹកក៏ដូចជា គោលនយោបាយរបស់រាជរដ្ឋាភិបាលក្នុងការអភិវឌ្ឍន៍ប្រព័ន្ធធារាសាស្ត្រ គឺក្នុងមួយឆ្នាំពង្រីកលើកផ្ទៃ៣ម៉ឺនហិកតា លើផ្ទៃដីស្រោចស្រប ។ តំបន់ដែលអាទិភាពទី១ នៅ គឺនៅខេត្តដែលមិនទាន់មានការអភិវឌ្ឍន៍តែម្តង ។ លោកបញ្ជាក់ថា ៖«អីញ្ចឹងទេ នៅឆ្នាំនេះអាចមានរង្វង់៣០ទៅ៤០គម្រោង ហើយគម្រោងដែលសម្រាប់អភិវឌ្ឍន៍ដោយប្រើថវិកាជាតិនោះ គឺធ្វើដើម្បីដោះស្រាយទឹកក្នុងស្រោចស្រពដីប្រមាណ៣ម៉ឺនហិកតាជាមួយទឹកសម្រាប់ការប្រើប្រាស់ប្រចាំថ្ងៃផងដែរ» ។
អ្នកនាំពាក្យក៏បានលើកឡើងថា សម្រាប់គម្រោងធំៗដែលធ្វើនោះទេ គឺក្រសួងមានកិច្ចសហប្រតិបតិ្តការជាមួយមហាមិត្តចិន ដោយលទ្ធភាពនៃការសាងសង់នោះខ្លះមាន១លានដុល្លារ ២រយលានដុល្លារដូចជាគម្រោងសាងសង់នៅទន្លេរវៃគោនឹងចំណាយថវិកាប្រមាណជិត២រយលានដុល្លារ ដែលពេលនេះកំណើរបានប្រហែល៨០ភាគរយហើយ ។ លោកបញ្ជាក់ថា ៖«ក្រៅពីកញ្ចប់ថវិការបស់ជាតិ យើងមានថវិកាពីជាមិត្ត និងដៃគូរអភិវឌ្ឍន៍ ។ សមទ្ធិផលទាំងនេះមិនអាចកាច់ផ្តាច់បានពីការមិនយកចិត្តបានពីសម្តេច តេជោ នោះទេ ដូចជាផ្លូវ ទឹក ភ្លើង និងមនុស្សឡើយ» ៕
ចែករំលែកព័តមាននេះ