ប្រទេសអីុតាលី៖ ខណៈដែលចំនួនអ្នកស្លាប់និងអ្នកឆ្លងវីរុសCOVID-19 បន្តកើនឡើងនៅអីុតាលី ប្រទេសនេះ អាចពឹងលើជំនួយអន្តរជាតិ មកជួយបុគ្គលិកព្យាបាលរបស់ខ្លួន ដែលមានការហាវហត់បាក់កម្លាំង មកពីខំសង្គ្រោះអ្នកជំងឺ។ នាចុងសប្ដាហ៍កន្លងទៅប្រទេសរុស្សុីនិងគុយបាបានបញ្ជូនក្រុមពេទ្យមកជួយបុគ្គលិកពេទ្យអីុតាលី។
រុស្សុីប្រកាសនាថ្ងៃទី២២មីនា ពីការបញ្ជូនអ្នកជំនាញយោធាខាងវីរុសដែលមានបទពិសោធន៍មកកាន់អីុតាលី។ យន្តហោះដំបូងរបស់កងទ័ពរុស្សុីបានហោះមកកាន់ទីក្រុងរ៉ូម។ យន្តហោះនោះដឹកបណ្ដាអ្នកឯកទេសខាងជំងឺឆ្លងនិងបណ្ដាគិលានុប្បដ្ឋាយិកា មកពីមូលដ្ឋានយោធារុស្សុី៣។ យោងតាមសេចក្ដីប្រកាសមួយរបស់ក្រសួងការពារប្រទេសរុស្សុីថា រុស្សុីបានផ្ដល់ជំនួយយោធាដល់អីុតាលី ដើម្បីតស៊ូប្រឆាំងវីរុស ហើយវិមានក្រឹមឡាំងចង់បានការធ្វើរបៀបនោះ។ អីុតាលីព្រមទទួលយកជំនួយនេះ ក្នុងឱកាសនៃកិច្ចពិភាក្សាគ្នាតាមទូរស័ព្ទរវាងរដ្ឋមន្ត្រីការពារប្រទេសនៃប្រទេសទាំង២។
រុស្សុីនឹងបញ្ជូនយន្តហោះ៩គ្រឿងនិងបុគ្គលិកពេទ្យយោធាព្រមទាំងបណ្ដាអ្នកឯកទេស ទៅកាន់អីុតាលី។ យន្តហោះយោធារុស្សុីដំបូងបានចុះនារសៀលថ្ងៃទី២២មីនា នៅមូលដ្ឋានយោធាប្រាទីកាដឺឹមា៉រខាងត្បូងក្រុងរ៉ូម។ រុស្សុីអះអាងថាបណ្ដាអ្នកឯកទេសយោធារុស្សុី សុទ្ធតែជាអ្នកធ្លាប់ចូលរួម ក្នុងការលុបបំបាត់ជំងឺប៉េស្តជ្រូកអាហ្វ្រិក។ ពួកគេក៏ធ្លាប់ធ្វើ្វើការដែរ ក្នុ្ងងមីន្ទីរពិសោធន៍រកវ៉ាក់សាំងការពារជំងឺអេប៊ូឡានិងប៉េស្ត។ ក្រៅពីនេះរុស្សុីបន្ថែមជំនួយសម្ភារពេទ្យពិសេសបណ្ដាឧបករណ៍ដែលអាចកម្ចាត់មេរោគលើបណ្ដារថយន្ត។
ចំណែកគ្រូពេទ្យគុយបាមួយកង ទើបមកដល់ក្រុងLOMBARDIEអីុតាលី ដើម្បីជួយបណ្ដាក្រុមបុគ្គលិកពេទ្យអីុតាលី ដែលហាវហត់ខ្លាំង ប្រឈមមុខនឹងការឆ្លងរាលដាលនៃវីរុស ។ នេះជារឿងដ៏កម្រមួយដែលគុយបា បានបញ្ជូនក្រុមគ្រូពេទ្យមកបំពេញបេសកម្មបែបនេះដើម្បីសម្ដែងសាមគ្គីភាព។ ក៏ជាលើកដំបូងដែរដែលប្រទេសអឺរ៉ុបមួយ ដូចជាអីុតាលីអំពាវនាវរកជំនួយគ្រូពេទ្យគុយបាទាំងនេះ ។
គ្រូពេទ្យគុយបាសរុបចំនួន៥២នាក់សុទ្ធតែជាបុរស មានអាយុមធ្យម៤៩ឆ្នាំ បានចាកចេញពីទីក្រុងឡាហាវ៉ាននាថ្ងៃទី២១មីនា មកកាន់ក្រុងLOMBARDIE។ ក្រុមគ្រូពេទ្យគុយបានេះនឹងស្ថិតនៅអីុតាលី យ៉ាងតិច៣ខែហើយធ្វើការរួមជាមួយក្រុមពេទ្យចិននិងអីុតាលី ក្នុងមន្ទីរពេទ្យថ្មីមួយ។ ក្រុមអ្នកវិជ្ជាជីវៈពេទ្យគុយបាទាំងនោះជាអ្នកធ្លាប់ មានបទពិសោធន៍ភាគច្រើនក្នុងការតស៊ូប្រឆាំងការឆ្លងរាលដាលនៃវីរុសអេប៊ូឡានៅអាហ្វ្រិក។ ចិនបានបញ្ជូនរួចហើយក្រុមពេទ្យនិងសម្ភារពេទ្យមកជួយអីុតាលី៕
ចែករំលែកព័តមាននេះ