បាងកក ៖ អ្នកនាំពាក្យក្រសួងសុខាភិបាល បាននិយាយនៅឯសន្និសីទសារព័ត៌មានមួយ នាព្រឹកថ្ងៃទី២៣ មីនានេះថា ប្រទេសថៃ បានរកឃើញករណីឆ្លងកូវីដ១៩ ថ្មីបន្ថែមចំនួន១២២ករណីទៀត ដែលនាំឲ្យចំនួនសរុបក្នុងប្រទេសនេះកើនឡើងដល់…
បាងកក ៖ អ្នកនាំពាក្យក្រសួងសុខាភិបាល បាននិយាយនៅឯសន្និសីទសារព័ត៌មានមួយ នាព្រឹកថ្ងៃទី២៣ មីនានេះថា ប្រទេសថៃ បានរកឃើញករណីឆ្លងកូវីដ១៩ ថ្មីបន្ថែមចំនួន១២២ករណីទៀត ដែលនាំឲ្យចំនួនសរុបក្នុងប្រទេសនេះកើនឡើងដល់ ៧២១ករណីហើយ នេះបើតាមទីភ្នាក់ងារព័ត៌មាន straitstimes ចេញផ្សាយរសៀលថ្ងៃទី២៣ មីនានេះ ។
ចំនួននេះ ធ្វើឲ្យប្រទេសថៃ មានអ្នកឆ្លងខ្ពស់លំដាប់ទី២ នៅអាស៊ីអាគ្នេយ៍ បន្ទាប់ពីប្រទេសម៉ាឡេស៊ី នេះបើតាមទិន្នន័យផ្លូវការដែលប្រកាសដោយក្រសួងសុខាភិបាលនៃប្រទេសថៃ ។
អ្នកនាំពាក្យក្រសួងសុខាភិបាលថៃ លោកTaweesin Wisanuyothin បានបញ្ជាក់ថា ក្នុងចំណោម ១២២ករណីថ្មីនេះ រួមមានអ្នកជំងឺ ២០នាក់ មានជាប់ទាក់ទងនឹងករណីមុនៗ ហើយ១០ករណី ជាករណីនាំចូលពីក្រៅប្រទេស និងចំនួន ៩២ករណីទៀត ក្រុមជំនាញកំពុងរង់ចាំការស៊ើបអង្កេតអំពីរបៀបដែលពួកគេឆ្លងជំងឺនេះ ពីប្រភពណាមក ។
គិតត្រឹមថ្ងៃទី២៣ មីនា ២០២០នេះ ប្រទេសថៃ មានអ្នកស្លាប់ដោយសារវីរុសកូវីដ១៩នេះ តែម្នាក់គត់ ចាប់តាំងពីការផ្ទុះឡើង ខណៈដែលអ្នកជំងឺចំនួន ៥២នាក់ ត្រួវបានព្យាបាលជាសះស្បើយ ហើយ៦៦៨នាក់ទៀត កំពុងសម្រាកព្យាបាលនៅឯមន្ទីរពេទ្យ ក្នុងនោះមានអ្នកជំងឺ៧នាក់ធ្ងន់ធ្ងរ ៕
ចែករំលែកព័តមាននេះ