កីឡាករ Cristiano Ronaldo និងភ្នាក់ងាររបស់គេគឺលោក Jorge Mendes កំពុងជួយផ្តល់ថវិកាដល់ការប្រយុទ្ធប្រឆាំងនឹងវីរុស Covid-19 ក្នុងប្រទេសព័រទុយហ្គាល់ ដោយការបញ្ជាទិញគ្រឿងបរិក្ខារវេជ្ជសាស្ត្រជាច្រើនប្រភេទ។…
កីឡាករ Cristiano Ronaldo និងភ្នាក់ងាររបស់គេគឺលោក Jorge Mendes កំពុងជួយផ្តល់ថវិកាដល់ការប្រយុទ្ធប្រឆាំងនឹងវីរុស Covid-19 ក្នុងប្រទេសព័រទុយហ្គាល់ ដោយការបញ្ជាទិញគ្រឿងបរិក្ខារវេជ្ជសាស្ត្រជាច្រើនប្រភេទ។
C.Ronaldo បានវិលត្រឡប់មកស្រុកកំណើតវិញ ចាប់តាំងពីរដូវកាលនៃក្របខណ្ឌ Serie A ត្រូវបានផ្អាកកាលពីដើមខែមីនានេះ ហើយបានរស់នៅលើកោះមួយជាមួយក្រុមគ្រួសារ។
យោងតាមការចុះផ្សាយពីសារព័ត៌មាន AS របស់ប្រទេសអេស្ប៉ោញ បានបង្ហើបឱ្យដឹងថា Mendes បានចាប់ផ្តើមដំណើរការទិញសំភារៈពេទ្យ សម្រាប់ជួយដល់មន្ទីរពេទ្យ Sao Joao ក្នុងទីក្រុង Porto ។
លោក Mendes រួមនិង Cristiano Ronaldo នឹងទិញម៉ាស់ការពារចំនួន ៥ម៉ឺនម៉ាស់ដើម្បីធ្វើការបរិច្ចាគ ក៏ដូចជាផ្តល់ការគាំទ្រផ្នែកហិរញ្ញវត្ថុមួយចំនួន ដល់មន្ទីរពេទ្យនៅទូទាំងប្រទេសព័រទុយហ្គាល់ ៕ (កែសម្រួលដោយ ៖ ធីតា)
ចែករំលែកព័តមាននេះ