តុលាការសម្រេចហើយ អ្នកបើកឡានម្នាក់បម្រុងបុកនគរបាលពេលរឹតបន្តឹងចរាចរណ៍
- កណ្តាល
ខេត្តកណ្ដាល ៖ នៅថ្ងៃទី២១ ខែមីនា ឆ្នាំ២០២០នេះ លោក អាត ចន្ឌ័ដារា ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីការឃុំខ្លួនអ្នកបើកបររថយន្តម្នាក់…
ខេត្តកណ្ដាល ៖ នៅថ្ងៃទី២១ ខែមីនា ឆ្នាំ២០២០នេះ លោក អាត ចន្ឌ័ដារា ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីការឃុំខ្លួនអ្នកបើកបររថយន្តម្នាក់…
ខេត្តកណ្ដាល ៖ នៅថ្ងៃទី២១ ខែមីនា ឆ្នាំ២០២០នេះ លោក អាត ចន្ឌ័ដារា ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីការឃុំខ្លួនអ្នកបើកបររថយន្តម្នាក់ ពាក់ព័ន្ធករណីបើករថយន្តបម្រុងបំបុកក្រុមមន្ត្រីនគរបាលខេត្តកំពុងតែរឹតបន្តឹងច្បាប់ចរាចរណ៍ ខណៈរកឃើញអ្នកបើកបរម្នាក់នេះមានផ្ទុកសារធាតុញៀននៅក្នុងពេលបើកបរផងដែរ តាមមាត្រា៧៥ ,៧៦ និង៦៨ នៃច្បាប់ស្តីពីចរាចរណ៌ផ្លូវគោក។
ហេតុការណ៍នេះបានកើតឡើងកាលពីថ្ងៃទី២០ ខែមីនា ឆ្នាំ២០២០ នៅភូមិទួលក្រសាំង ក្រុងតាខ្មៅ ខេត្តកណ្តាល ។
លោកឧត្តមសេនីយ៍ត្រី វ៉ែន សាវិន ស្នងការរងទទួលផែនចរាចរណ៌នៃស្នងការដ្ឋាននគរបាលខេត្តកណ្តាល បានប្រាប់អោយដឹងថា ប្រតិបត្តិការនេះដឹកនាំដោយលោកឧត្តមសេនីយ៍ត្រី ឈឿន សុចិត្ត ស្នងការនគរបាលខេត្តកណ្តាល លោកឧត្តមសេនីយ៍ត្រី សារុន សុវណ្ណារ៉ា ស្នងការរងទទួលការងារកិច្ចការប៉ុស្តិ៍ ព្រមទាំងមន្ត្រីការិយាល័យចរាចរណ៍ផងដែរ។
លោកស្នងការរងបានបន្តថា យុវជនដែលជាអ្នកបើករថយន្តម្នាក់ខាងលើឈ្មោះ ថន ដាវីត អាយុ២១ឆ្នាំ គ្មានបណ្ណបើកបរ បើករថយន្តបែនចង្កូតស្តាំ មួយគ្រឿង ពាក់ស្លាកលេខ TK-0614 បើកបរក្នុងល្បឿនលឿន ពេលនោះសមត្ថកិច្ចក៏ធ្វើសញ្ញាបញ្ជាឱ្យឈប់ ដើម្បីធ្វើការត្រួតពិនិត្យ ប៉ុន្តែអ្នកបើកបរខាងលើបែរជាគេចវេស ហើយបន្ថែមល្បឿនកាន់តែលឿន សំដៅមកគោលដៅត្រួតពិនិត្យរបស់សមត្ថកិច្ច ធ្វើឱ្យសមត្ថកិច្ចគេចចេញពីមុខរថយន្ត ដើម្បីចៀសវាងគ្រោះថ្នាក់។
លោកស្នងការរងបានបន្តថា បន្ទាប់មកសមត្ថកិច្ចបានដេញតាមចាប់រថយន្តល្មើសបានប្រមាណ២គីឡូម៉ែត្រ ពីគោលដៅត្រួតពិនិត្យទើបឃាត់បានរួចបញ្ជូនមកការិយាល័យនគរបាលចរាចរណ៍ផ្លូវគោក ហើយបានធ្វើការត្រួតពិនិត្យ និងធ្វើតេស្តអ្នកបើកបររកឃើញមានសារធាតុញៀនវិជ្ជមានផងដែរ៕ (កែសម្រួលដោយ ៖ ធីតា)
ចែករំលែកព័តមាននេះ