ចិន ៖ យោងតាមគណៈកម្មការសុខភាពជាតិរបស់ចិន បានឱ្យដឹងថា ប្រទេសចិនបានបញ្ជាក់ពីការបាត់បង់ជីវិតថ្មីចំនួន ៦នាក់ និង ៤៦ករណីបន្ថែមទៀតនៃវីរុសឆ្លងកូវីដ១៩ នៅយប់ថ្ងៃសៅរ៍នោះ។
គ្មានករណីថ្មីណាមួយត្រូវបានរាយការណ៍ចេញពីខេត្តហ៊ូប៉ី ដែលជាចំណុចកណ្តាលនៃការផ្ទុះឡើងរបស់ប្រទេសចិន ដែលនេះគឺជាថ្ងៃទី៤ហើយ ដែលគ្មានករណីថ្មីចេញពីខេត្តនេះ។
ក្នុងចំណោមករណីថ្មីទាំង ៤៦ករណី មានករណីនាំមកពីក្រៅចំនួន៤៥ករណី ដែលធ្វើឱ្យចំនួនករណីឆ្លងដែលនាំមកពីក្រៅសរុបមានចំនួន ៣១៤ករណី។
ចំនួនអ្នកបាត់បង់ជីវិតនៅហ៊ូប៉ី ឥឡូវមានចំនួន ៣១៤៤នាក់ ហើយចំនួនអ្នកបាត់បង់ជីវិតនៅទូទាំងប្រទេសមានចំនួន ៣២៦១នាក់។ ជាសរុបប្រទេសចិនមានករណីឆ្លងវីរុសនេះចំនួន ៨១០៥៤នាក់ ដែលត្រូវបានបញ្ជាក់។
គណៈកម្មការសុខភាពជាតិរបស់ចិន បានបន្ថែមថា អ្នកជម្ងឺ ៧២២៤៤នាក់ នៅចិនដីគោកបានជាសះស្បើយ និងត្រូវបានបញ្ជូនចេញពីមន្ទីរពេទ្យ៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ