រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា កាលពីថ្ងៃទី២១ ខែមីនា ឆ្នាំ២០២០ ស្ថានីយទូរទស្សន៍អាស៊ីអាគ្នេយ៍ នៅតែបន្តដំណើរការការប្រដាល់ ដោយបិទមិនឱ្យមានអ្នកទស្សនា ហើយមានភាពស្ងាត់ជ្រងំ។ នេះជាសង្វៀនចុងក្រោយ ដែលស្ថាប័ននឹងប្រកាសបិទ ដើម្បីទប់ស្កាត់ការរីករាលដាលនៃជំងឺកូវីត១៩។
កីឡាករកម្ពុជា យុគ យក្សផ្លែ ត្រូវកីឡាករថៃឈ្មោះ Chao Phaya វាយបំបាក់ឱ្យចាញ់ដោយពិន្ទុ។ នៅក្នុងការប្រកួតនោះ សង្វៀនទាំងមូលមិនអនុញ្ញាតិឱ្យមានអ្នកគាំទ្រចូលទស្សនា ដែលនាំឱ្យការប្រកួតស្ងប់ស្ងាត់។
យ៉ាងណាមិញគូអន្តរជាតិអន្តរជាតិ នៅក្នុងថ្ងៃនោះ នៅតែបើកការប្រកួតគ្នាទាក់ទាញ ដោយគូអន្តរជាតិទី១ គឺ យុគ យក្សផ្លែ និងជើងខ្លាំងថៃ Chao Phaya ប្រកួតគ្នាអស់ពីសមត្ថភាពរៀងខ្លួន។ ៥ទឹកដែលអ្នកទាំងពីរប្រកួតគ្នា សុទ្ធតែធ្វើអោយម្នាក់សរសើរថា ល្អមើល ជាពិសេសអ្នកទស្សនាតាមការផ្សាយផ្ទាល់។
កីឡាករថៃ Chao Phaya បញ្ចប់ការប្រកួតដោយឈ្នះពិន្ទុកីឡាករកម្ពុជា ខណៈដែល យុគ យក្សផ្លែ ក៏ប្រឹងអស់ពីសមត្ថភាពណាស់ដែរ ប៉ុន្តែមិនអាចទៅរួច។ ការប្រកួតមួយគូនេះ កីឡាករកម្ពុជាចាញ់ប្រៀបកីឡាករថៃភាគច្រើន ចាប់ពីទឹកទី៤ ដោយកណ្ដាប់ដៃ និង កែងរបស់កីឡាករឆ្លងដែនរូបនេះ គឺធ្វើអោយ យុគ យក្សផ្លែ ទក់សាច់។
មួយគូនេះអាចនឹងអោយសងសឹកគ្នាជាថ្មី នៅពេលសង្វៀនប្រដាល់ កំណត់អោយបើកឡើងវិញ។ អ្នករៀបចំកម្មវិធីបញ្ជាក់ថា សង្វៀនទាំងមូលនឹងត្រូវបិទចោលមួយរយៈចាប់ពីសប្ដាហ៍ក្រោយទៅ តែបើសង្វៀនដំណើរវិញ នោះមួយគូនេះនឹងអាចប៉ះគ្នាម្ដងទៀត។ (កែសម្រួលដោយ ៖ បុប្ផា)
ចែករំលែកព័តមាននេះ