អ៊ីតាលី ៖ មន្ត្រីផ្លូវការរបស់ប្រទេសអ៊ីតាលី បានមានប្រសាសន៍កាលពីថ្ងៃសៅរ៍ថា ចំនួនអ្នកបាត់បង់ជីវិតដោយសារការផ្ទុះឡើងនៃវីរុសឆ្លងកូវីដ១៩ នៅក្នុងប្រទេសអ៊ីតាលី បានឡើងដល់ ៧៩៣នាក់ ក្នុងមួយថ្ងៃ ដែលធ្វើឱ្យចំនួនអ្នកបាត់បង់ជីវិតសរុបថ្នាក់ជាតិឡើងដល់៤៨២៥នាក់។ នេះគឺមានន័យថា ចំនួនអ្នកបាត់បង់ជីវិតកាលពីម្សិលមិញឡើងបាន ១៩.៦% នៃចំនួនអ្នកបាត់បង់ជីវិតទាំងអស់។
កាលពីថ្ងៃព្រហស្បតិ៍ ប្រទេសអ៊ីតាលី បានយកឈ្នះលើប្រទេសចិន ក្នុងនាមជាប្រទេសដែលមានអ្នកបាត់បង់ជីវិត ច្រើនដោយសារតែជំងឺកូវីដ១៩។
ទីភ្នាក់ងារការពារជនស៊ីវិល បាននិយាយថា ចំនួនករណីសរុបនៅក្នុងប្រទេសអ៊ីតាលីបានកើនឡើងដល់ ៥៣៥៧៨ ពី ៤៧០២១នាក់ ដែលកើនឡើង ១៣.៩%។
តំបន់ភាគខាងជើងដែលរងការវាយប្រហារខ្លាំងជាងគេ គឺ Lombardy ដែលស្ថិតនៅក្នុងស្ថានភាពធ្ងន់ធ្ងរនៅឡើយ ដោយមានមនុស្សបាត់បង់ជីវិត ៣០៩៥នាក់ និង អ្នកឆ្លង ២៥៥១៥ករណី។
ករណីអ្នកជាពីជំងឺនេះ គឺមានចំនួន ៦០៧២នាក់ កាលពីថ្ងៃសៅរ៍ បើប្រៀបជាមួយនឹងកាលពីថ្ងៃមុននេះ ដែលមានចំនួន៥១២៩នាក់។ ពេលនេះមានអ្នកជំអឺ២៨៥៧នាក់ ស្នាក់នៅក្នុងការព្យាបាលជំងឺធ្ងន់៕ ដកស្រង់ចេញពីវេបសាយ ៖ indiatoday (កែសម្រួលដោយ ៖ បុប្ផា)
ចែករំលែកព័តមាននេះ