Dybala ក្លាយជាកីឡាករទី៣ក្នុងក្លិប Juventus ដែលឆ្លង Covid-19
ខ្សែប្រយុទ្ធរបស់ក្រុមសេះបង្កង់ Juventus កីឡាករ Paulo Dybala បានបញ្ជាក់ថាគេ និងមិត្តស្រី Oriana Sabatin បានធ្វើតេស្តរកឃើញមានផ្ទុកវីរុស…
ខ្សែប្រយុទ្ធរបស់ក្រុមសេះបង្កង់ Juventus កីឡាករ Paulo Dybala បានបញ្ជាក់ថាគេ និងមិត្តស្រី Oriana Sabatin បានធ្វើតេស្តរកឃើញមានផ្ទុកវីរុស…
ខ្សែប្រយុទ្ធរបស់ក្រុមសេះបង្កង់ Juventus កីឡាករ Paulo Dybala បានបញ្ជាក់ថាគេ និងមិត្តស្រី Oriana Sabatin បានធ្វើតេស្តរកឃើញមានផ្ទុកវីរុស Covid-19 ទោះបីជាបច្ចុប្បន្នមិនមានរោគសញ្ញាណាមួយកើតឡើងក៏ដោយ។
កីឡាករអន្តរជាតិអាហ្សង់ទីនរូបនេះ ត្រូវបានគេធ្វើតេស្តរកវីរុសនេះកាលពីសប្តាហ៍មុន ហើយបច្ចុប្បន្នកំពុងត្រូវបានដាក់ឱ្យនៅដាច់ដោយឡែកពីគេ ។
Dybala បានសរសេរលើបណ្តាញសង្គម Twitter ថា «សួស្តីអ្នករាល់គ្នា ខ្ញុំចង់ប្រាប់អ្នកថាយើងបានទទួលលទ្ធផលសម្រាប់ការធ្វើតេស្ត Covid-19 ហើយទាំង Oriana និងខ្ញុំបានធ្វើតេស្តមានសញ្ញាវិជ្ជមាន» ។
សេចក្តីថ្លែងការណ៍មួយនៅលើគេហទំព័រផ្លូវការរបស់ក្លិប Juventus ក៏បានសរសេរដែរថា «Paulo Dybala បានឆ្លងកាត់ការធ្វើតេស្តវេជ្ជសាស្ត្រដែលបង្ហាញពីលទ្ធផលវិជ្ជមានសម្រាប់វីរុស Covid-19» ។
សូមបញ្ជាក់ថា Dybala គឺជាកីឡាករទី៣ របស់ក្រុម Juventus ដែលបានធ្វើតេស្តវិជ្ជមានចំពោះវីរុសឆ្លងនេះ បន្ទាប់ពីកីឡាករ Daniele Rugani និង Blaise Matuidi។
ក្រុមសេះបង្កង់ Juventus មិនទាន់វិលត្រឡប់មកកាន់ការហ្វឹកហាត់វិញនៅឡើយទេ ខណៈដែលលីគ Serie A ក៏ដូចជាលីគជាច្រើននៅជុំវិញពិភពលោក បានផ្អាកទាំងស្រុង ដើម្បីគ្រប់គ្រងការរីករាលដាលនៃវីរុស Covid-19 ៕ (ដកស្រង់ចេញពី Goal.com)
ចែករំលែកព័តមាននេះ