អតីតប្រធានក្លិប Real Madrid ទទួលមរណភាពក្នុងវ័យ៧៦ឆ្នាំ ក្រោយឆ្លងវីរុស Covid-19
4 ឆ្នាំ មុន
អតីតប្រធានក្លិប Real Madrid លោក Lorenzo Sanz បានទទួលមរណភាពហើយក្នុងវ័យ៧៦ឆ្នាំ កាលពីថ្ងៃសៅរ៍ម្សិលមិញ បន្ទាប់ពីបានសម្រាកព្យាបាលនៅមន្ទីរពេទ្យអស់រយៈពេលច្រើនថ្ងៃ ក្រោយធ្វើតេស្តមានផ្ទុកវីរុស…
អតីតប្រធានក្លិប Real Madrid លោក Lorenzo Sanz បានទទួលមរណភាពហើយក្នុងវ័យ៧៦ឆ្នាំ កាលពីថ្ងៃសៅរ៍ម្សិលមិញ បន្ទាប់ពីបានសម្រាកព្យាបាលនៅមន្ទីរពេទ្យអស់រយៈពេលច្រើនថ្ងៃ ក្រោយធ្វើតេស្តមានផ្ទុកវីរុស Covid-19 នេះបើយោងតាមការចុះផ្សាយពី BBC។
លោក Lorenzo Sanz ធ្លាប់ជាប្រធានក្លិប Real Madrid អំឡុងឆ្នាំ ១៩៩៥-២០០០ ដែលជារយៈពេលមួយដែលក្រុមអធិរាជសឈ្នះពានរង្វាន់ Champions League ចំនួន២ដង។
កូនប្រុសរបស់លោកគឺ Lorenzo Sanz Duran បានសរសេរលើបណ្តាញសង្គម Twitter ថា «ឪពុកខ្ញុំទើបតែទទួលមរណភាព» ។
«គាត់មិនសមនឹងទទួលបានការបញ្ចប់តាមរបៀបនេះទេ។ គាត់ជាមនុស្សល្អបំផុតក្លាហាន និងឧស្សាហ៍ព្យាយាមបំផុត ដែលខ្ញុំបានឃើញនៅក្នុងជីវិតរបស់ខ្ញុំ។ គ្រួសាររបស់គាត់ និង Real Madrid គឺសំខាន់ណាស់សម្រាប់គាត់» ។
ចែករំលែកព័តមាននេះ