រាជធានីភ្នំពេញ ៖ ក្រុមហ៊ុន SsangYong ដែលបានចាប់ផ្តើមធ្វើអាជីវកម្មលក់រថយន្តស៊េរីថ្មី នៅប្រទេសកម្ពុជា អស់រយៈពេលជាច្រើនឆ្នាំមកហើយ និងត្រូវបានអតិថិជនជាច្រើន ទទួលស្គាល់លើគុណភាព បច្ចេកវិទ្យាទំនើបៗ ជាមួយភាពទាន់សម័យ និងសុវត្ថិភាពខ្ពស់ ។ ដោយសារតែក្រុមហ៊ុនបានមើលឃើញពីសក្តានុពលនៃរថយន្តប្រភេទ SUV ខ្នាតតូចនៅ ក្នុងទីផ្សារប្រទេសកម្ពុជានាពេលបច្ចុប្បន្ននេះកំពុងតែមានតម្រូវការ ដូច្នេះកាលថ្ងៃទី ២០ខែមីនា ឆ្នាំ ២០២០ ក្រុមហ៊ុនបានធ្វើការបើកសម្ពោធជាផ្លូវការនូវការតាំងបង្ហាញ រថយន្តប្រភេទ SUV ខ្នាតតូចក្រោមអធិបតីភាពលោកអគ្គនាយក SsangYong LEE JAEHOO នាយកប្រតិបត្តិ អ្នកស្រី MAO KUNTHEA និងប្រធានផ្នែក លោក PARK KUENBAEK ។
យោងតាមសេចក្តីប្រកាសព័ត៌មានរបស់ក្រុមហ៊ុននាំចូលរថយន្ត SsangYong បានអោយ ដឹងថា រថយន្ត TIVOLI ដែលបានតាំងបង្ហាញនៅល្ងាចនោះ ជារថយន្តបែបតូចច្រឡឹងគួរ ឲ្យស្រឡាញ់ជាមួយនឹងចំណុចទាក់ទាញជាច្រើន ជាពិសេស គឺមានច្រើនពណ៌សម្រាប់ ឱ្យជ្រើសរើសដើម្បីបំពេញនូវចំណូលចិត្តអថិតិជន ហើយជារថយន្តដែលលក់ដាច់បំផុត រយៈពេល ៥ឆ្នាំជាប់ៗគ្នានៅឯប្រទេសកូរ៉េ ។
រថយន្តម៉ូដែលថ្មីនេះ ពិតជាស័ក្តិសមបំផុតសម្រាប់អតិថិជនយុវវ័យគ្រប់រូប ដែលនិយម ចូលចិត្តភាពទាន់សម័យ ឡូយឆាយ ជាពិសេសសម្រាប់និស្សិតសាកលវិទ្យាល័យ និង សម្រាប់គូស្វាមីភរិយាថ្មីដែលទើបតែរៀបការ ក៏ដូចជាគ្រួសារតូចជាដើម ។
TIVOLI មានភាពប្រណីតទាំងការរចនាផ្នែកខាងក្នុង និងផ្នែកខាងក្រៅ លើសពីនេះទៀត
រថយន្តនេះបានបំពាក់មកនូវ Options ទំនើបៗ ភ្ជាប់ជាមួយបច្ចេកវិទ្យា Mercedes Benz ដែលធ្វើឲ្យការធ្វើដំណើរកាន់តែមានសុវត្ថិភាព ប្រកប ដោយទំនុកចិត្ត ។ រថយន្តនេះមានចំណុចទាក់ទាញ់មួយចំនួនទៀតដែលកំពុងតែអង្រួនចិត្តអតិថិជន ក្នុង នោះវាមានម៉ាស៊ីនសាំង 1.5 Turbo, ភ្លើងស៊ីញ៉ូ LED ដ៏ទាក់ទាញ, អំពូល LED Head Lamp, កង់ឡានចំណិតពេជ្រដ៏ទាន់សម័យ, អេក្រង់ដ៏ឡូយឆាយ ទំហំ 10.25 Digital Cluster ជាមួយនឹងកៅអីខ្យល់ចេញចូលសម្រាប់កៅអីអ្នកបើកបរ និងកៅអីអ្នកធ្វើដំណើរ មុខក្រោយ ។ អ្វីដែលលេចធ្លោជាងនេះទៅទៀតនោះ គឺមានពណ៌ស្រស់ស្អាតជាច្រើន សម្រាប់ជ្រើសរើសទៅតាមចំណង់ចំណូលចិត្តរបស់អតិថិជន ។
ក្រៅពីមានរាងតូចច្រឡឹងដែលផ្តល់ជូនអតិថិជន រថយន្តម៉ូដែលថ្មីនេះ ក៏មាននូវចំណុច សំខាន់ៗ ៦យ៉ាងដ៏អស្ចារ្យគ្មានគូប្រៀបដូចជា ១. កម្លាំងខ្លាំងអស្ចារ្យដែលជាបច្ចេកវិទ្យា របស់ Mercedes Benz ដែលអាចបើកបរបានគ្រប់ស្ថានភាពផ្លូវ ។ ២. សុវត្ថិភាពខ្ពស់ អស្ចារ្យដោយគ្រោងឆ្អឹងរឹងមាំធន់, ពោងសុវត្ថិភាពចំនួន ៦ បច្ចេកវិទ្យាមកពីអាឡឺម៉ង់ ។ ៣. ម៉ូដទំនើបអស្ចារ្យ ឡូយឆាយទាន់សម័យទាំងផ្នែកខាងក្នុង និងខាងក្រៅជាពិសេស ស័ក្តិសមជាមួយយុវវ័យគ្រប់រូប ។
៤. ដាក់អីវ៉ាន់បានច្រើនអស្ចារ្យ ព្រោះជារថយន្ត SUV ស្អាត ឃ្យូតដែលមានឃ្លុបដាក់អីវ៉ាន់ធំទូលាយ (កន្លែងដាក់អីវ៉ាន់ចំណុះ 427L) ។ ៥. សន្សំសំចៃខ្ពស់អស្ចារ្យ ព្រោះម៉ាស៊ីនផលិតឡើងតាមបច្ចេកវិទ្យាអាល្លឺម៉ង់ដោយស៊ីប្រេង ត្រឹមតែ (7.5L/100km) ។ ៦. តម្លៃក៏អស្ចារ្យ ពិសេសសម្រាប់អតិថិជន TIVOLI ជាទី ស្រឡាញ់ រាល់ការកក់ SsangYong TIVOLI ឥឡូវនេះនឹងទទួលបានកាដូមួយចំនួនដូចជា កាងក្រោយដ៏ស្រស់ស្អាត, កម្រាលជើងដ៏ប្រណីត, ស្កុតការពារកម្តៅថ្ងៃ, ស្លាកលេខវែង, កាងខាងមុខ-ក្រោយ និងកាតចាក់សាំង $300 ផងដែរ ។
ចំពោះតម្លៃនៃរថយន្តប្រភេទ TIVOLI Luxury គឺមានតម្លៃ $29,900 ចំណែក TIVOLI Premium មានតម្លៃ $33,900 ហើយអតិថិជនក៏អាចធ្វើការបង់រំលស់ប្រចាំខែចាប់ពី $257 តែប៉ុណ្ណោះ ។
គួរបញ្ជាក់ថា ក្រុមហ៊ុន SsangYong មិនត្រឹមតែផ្តល់ប្រូម៉ូសិនជូនអតិថិជនដែលទិញ រថយន្ត TIVOLI មួយមុខនោះទេ គឺសម្រាប់រថយន្ត SsangYong REXTON ស៊េរី ២០២០ ប្រូសិនក្នុងឧកាសបុណ្យចូលឆ្នាំខ្មែរប្រពៃណីជាតិខាងមុខនេះ ក្រុមហ៊ុនក៏មានផ្តល់ជូន តម្លៃពិសេសសម្រាប់ REXTON ដែលមិនធ្លាប់មានពីមុនមកគឺ $58,500 ជាមួយនឹងការ ផ្តល់ជូនដូចជា៖ ១. ស្កុតកាពារកម្តៅថ្ងៃ, ២. កម្រាលជើងដ៏ប្រណីត , ៣. ស្លាកលេខវែង និង ៤. ឈ្នាន់ជើងដ៏ស្រស់ស្អាតមួយ ៕ អត្ថបទសហការ
ចែករំលែកព័តមាននេះ