ទីក្រុងវ៉ូហាន ៖ គណៈកម្មការសុខាភិបាលខេត្ដហ៊ូប៉ី បានរាយការណ៍ថា នៅទីក្រុងវ៉ូហាន រយៈពេល០៣ថ្ងៃ ជាប់ៗគ្នា មិនមានករណីឆ្លងថ្មី នៃជំងឺឆ្លងបង្កឡើងដោយវីរុសកូវីដ-១៩ (COVID-19) នោះទេ គ្មានសូម្បីតែម្នាក់ ។ WUHAN ជាទីក្រុងរបស់ចិន ដែលជាចំណុចកណ្តាលនៃការរាតត្បាតនៃវីរុសកូវីដ-១៩ ក្នុងរយៈពេលប៉ុន្មានខែកន្លងមកនេះ បើតាមទីភ្នាក់ងារសារព័ត៌មានចិន ស៊ីនហួរ ចេញផ្សាយនៅព្រឹកថ្ងៃទី២១ មីនានេះ ។
នៅថ្ងៃសុក្រ ទី២០ មីនា ម្សិលមិញនេះ ក្រសួងសុខាភិបាលរបស់ប្រទេសចិន បានប្រកាសថា បុគ្គលិកពេទ្យសរុបចំនួន ១២.០០០នាក់ ដែលចូលរួមប្រយុទ្ធប្រឆាំងនៅខេត្តហ៊ូប៉ី Hubei បានចាកចេញពីខេត្តនេះហើយ ចាប់តាំងពីថ្ងៃអង្គារកន្លងមក ដោយសារស្ថានភាពរាតត្បាតនៃវីរុសឆ្លង បានធូរស្រាល ៕
ចែករំលែកព័តមាននេះ